Bharosa Cheez Hai Aisi Judaa Hony Nahi Dega.
Muqadas Piyaar Hai Apna Khata Hony Nahi Dega.
Bhatak Jaaingy Rahon Mein Bichar Jaaingy Hum Dono.
Na Ghabrao Kabhi Aisa KHUDA Hony Nahi Dega.
Zamany Mein Jo Teri Soch K Bilkul Mukhalif Ho.
Ye Dil Aisa Koi Bhi Faisla Hony Nahi Dega.
Qasam Teri Jala Doon Ga Mein Us Ko Apni Aahun Sy.
Agar Ye Shahir Apna Rabta Hony Nahi Dega.
Youn Hi Apni Mohabbat Ye Agar Parwaan Charhti Hai.
To Ye Phir Waqat Bhi Hum Ko Juda Hony Nahi Dega.
Bura Insaa'n Nahi Hota, Bura Kirdaar Hota Hai.
Bura kirdaar Hi Kisi ko Acha Hony Nahi Dega.
Tu Apny Khuda Par Yaqeen Gar Yaar Rakhtaa Hai.
Siwaa Tery Basy Koi Nida Hony Nahi Dega.
No comments:
Post a Comment