Kabhi tamanna k raastay per nikal paro to
Khayal rakhna
Hawain , baadil , fizaain , mosam , khayal
Chehre badel badel ker tumhain milain ge
To lamha lamha badeltay rangon k shokh dhoke main
Kabhi jo charon tarf tumharay
Kiran kiran apna khwab aisa badan nikhare
Zameen pe utre
To dhundlakon main sama na jana
Kabhi jo aankhoun main chaand hans hans k chandni ka
Khumar bher de
To apni aankhain kahin khala main ganwa na aana
K ye na ho phir jo khwab tootay
Dhanak dhanak ka saraab tootay
To jism-o- jaan per azaab tootay
Aur tum ba-mushkil larazte haathoun main
Kirchi kirchi baden sambhale
Kahin bulandi pe cherh k risti huee nigahoun se
Wapsi k nishan dhoundo
No comments:
Post a Comment