Aqs-E- Khushbu Houn Bikharnay Se Na Roky Koi

Aqs-E- Khushbu Houn Bikharnay Se Na Roky Koi
Aur Bikhar Jaon Tou Mujhko Na Samaitay Koi

Kaanp Uthti Houn Mein Ye Soch Ke Tanhaai Mein
Mere Chehray Pe Tera Naam Na Parh Le Koi

Jis Tarah Khwaab Mere Hogaye Raiza Raiza
Is Tarah Se Na Kabhi Toot Ke Bikhray Koi

Mein Tou Is Din Se Hiraasaan Houn Ke Jab Hukm Milay
Khushk Phoolon Ko Kitaabon Mein Na Rakhay Koi

Ab Tou Os Raah Se Wo Shaks Guzarta Bhee Nahi
Ab Kis Umeed Pe Darwaazay Se Jhaankay Koi

Koi Aahat Koi Aawaaz Koi Chaap Nahi
Dil Ki Galyaan Badi Sunsaan Hain Aaye Koi