Tujh se bichra tou kidher Jaun Ga

Tujh se bichra tou kidher Jaun Ga
mein tou be-chaini se mar Jaun Ga

mein tou aisay nhi jaany waala
chaand doobay ga to ghar Jaun Ga

moutyoun se bhara bartan houn mein
toot Jaun Ga bikhar Jaun Ga

mein tou sehma howa sannata houn
apni awaaz se dar Jaun Ga

mein agar koi samandar bhi houn
ik tere dard se bhar Jaun Ga

waqt ke hath se mein farhat abbas
kaheen chup chaap bikhar Jaun Ga