Chatri laga ke ghar se nikalne lage hain hum
Ab kitni ehtiyaat se chalne lage hain hum
Is darje hoshiyaar to pahle kabhee na the kabhi
Ab kyun qadam qadam pe sambhalne lage hain hum
Ho jaate hain udaas ke jab do-pahar ke baad
Suraj pukarta hai ke dhalne lage hain hum
Aisaa naheen ke barf kee maanand houn magar
Lagtaa hai yuun ke jaise pighalne lage hain hum
Aaeenaa dekhne ki zarurat na thee koi
Khud jaante the hum ke badalne lage hain hum
Is kaa yaqeen aaj bhalaa kis ko aaye ga
Aek dheemi dheemi aanch men jalne lage hain hum
No comments:
Post a Comment