Baton Baton mein Bicharne ka Ishara kar kay

Baton Baton mein Bicharne ka Ishara kar kay
Khud bhi woh Roya Buhat hum se Kinarah kar kay
Sochta rehta hon Tanhayi mein Anjam Khaloos
Phir usi Jurm e Muhabbat ko Dobarah kar ke
Jagmaga di hain Tere Shehar ki Galyan mein ne
Apne har Ashk ko Palkon peh Sitara kar ke
Dekh lete hain Chalo Hoslah apne Dil ka
Aur kuch roz Tere Sath Guzarah kar ke

Meri Tanhai Barhate hain Chale Jate hain

Meri Tanhai Barhate hain Chale Jate hain

Hans Talab peh Aaate hain Chale Jate hain

Is liye ab mein Kisi ko Nahi Jane deta 

Jo Mujhe Chor ke Jate hain Chale Jate hain

Meri Aankhon se Baha karti hai Un ki Khushboo

Raftgan Khawab mein Aate hain Chale Jate hain

Kub Tumhein Ishq peh Majboor kia hai Hum ne 

Hum to bas Yaad Dilate hain Chale Jate hain

Aap ko kon Tamashayi Samjhta hai Yahan 

Aap to Aag Lagate hain Chale Jate hain

Shadi Murg ka Mahol Bana Rehta hai

Aap Aate hain Tulate hain Chale Jate hain

Na Tujh se hai na Gila Aasman se Hoga

Na Tujh se hai na Gila Aasman se Hoga

Teri Judayi ka Jhagra Jahan se hoga

Tumhare Mere Talluq ka log Poochte hain

Keh jaise Faislah mere Biyan se hoga

Agar Yunhi Mujhe rakha gia Akele mein 

Bar aamad aur Koi is Makan se hoga

Judayi tai thi Magar yeh Kabhi na socha tha

Keh to juda bhi Judaganah Shan se hoga

Guzar rahe hain mere din isi Tafakhir mein 

Keh Agla Qes mere Khandan se Hoga

Pani Aaankh mein Bhar kar Laya ja sakta hai

Pani Aaankh mein Bhar kar Laya ja sakta hai

Ab bhi Jalta Shehar Bachaya ja skta hai

Aik Muhabbat aur Woh Bhi Nakam Muhabbat

Lekin is se Kaam Chalaya Ja skta hai

Dil par Pani Pine aati hain Umeedein

Is Chashme Mein Zehar Milaya Ja skta hai

Mujh Gumnam se Poochte hain Farhad o Majnu

Ishq mein ketna Naam Kamaya Ja skta hai

Yeh Mehtab yeh Raat ki peshani ka Ghao

Aisa Zakham to Dil par Khaya Ja skta hai

Phata Purana Khawab hai mera Phir Bhi Tabish

Is mein Apna Aap chupaya ja skta hai

Aye Dost dua aur Musafat ko Bahum rakh

Aye Dost dua aur Musafat ko Bahum rakh

Yeh Meri Hatheli hai yahan Pehla Qadam rakh

Aise to Zamana Mujhe Jine Nahi de ga

Mein kuch bhi nahi Tera Magar MeraBharm rakh

Is Baat peh Dunya se Meri Banti nahi hai

Kehti hai keh Talwar Utha aur Qalam rakh

Mein jub bhi Kahin Raah mein Girne laga Tabish

Aawaz si Aayi mere Qadmon peh Qadam rakh

Shiksta khawab o shiksta pa hon Mujay doan main yaad rakhna

Shiksta khawab o shiksta pa hon Mujay doan main yaad rakhna

Main akhri jang lar raha hon Mujay doan main yad rakhna

Hoyen pegham day gai hain k muj ko driya bula raha hai

Main baat sari smjh gaya hon Mujay doan main yad rakhna

Na janay kofay ki kaya khabar ho na janay kis dasht main basar ho

Main phir madinay se ja raha hon Mujay doan main yad rakhna

Mujay aziz zany man! muhabat ko koi b tajurba nahi

Main is safar main naya naya hon Mujay doan main yad rakhna

Mujay ab kisi se bhali ki koi tawqa nahi hai tabish

Main adttan sub se kah raha houn, mujay doyan main yad rakhna

Tere gumnam ager naam kmanay lag jayen

Tere gumnam ager naam kmanay lag jayen
Sharf o shewa tasleem thikanay lag jayen

Jis trah noor se payda hain jahane ishiya
Ik nazar dal ker hum bhi nazar anay lag jayen

Ye bhi mumkin hai koi roknay wala he na ho
Ye bhi mumkin hai yaha muj ko zamanay lag jayen

Dekh ay husney frawan ye bhi mumkin hai
Mera del tak na lagay tere khazanay lag jayen

Jin k honay se hai mashrot hamara hona
Apnay honay ka na ahsas dilanay lag jayen

To muhabat ki gharz lamha mojood main rakh
Tere zimay na mere dard poranay lag jayen

Ye muhabat na kahen rad e amal ban jayen
Hum tere bad na koi zulm dhanay lag jayen

Kar e duniya bhi ajab hai k meray ghar walay
Din niklatay he meri khabar manany lag jayen

Pass he doob rahi hai koi kashti tabish
Khod nahi bachti ager is ko bachanay lg jayen

Wo Bholta hai na dil main utarta hai mujay

Wo Bholta hai na dil main utarta hai mujay
Hamaisha mar muhabat ki marta hai mujay

Main us ka lamha mujod hun magar wo shakhas
Fazol waqat smaj ker guzarta hai mujay

Bazahar aysa nahi pairh is hawayli ka
Hawa chalay to buhat phol marta hai mujay

Main is k hath main jata hon malo zer ki trah
Wo rooz qarz smaj ker utarta hai mujay

Yar k ghum ko ajab nakash giri ati hai

Yar k ghum ko ajab nakash giri ati hai
Por por ankh ni manid phari ati hai

Bay taluq na hamain jan k hum jantain hain
Kitna kuch jaan k ye bay khabri ati hai

Is qadar gundna perti hai laho se mati
Hath ghul jatain hain to koza giri ati hai

Kitna rakhtay hai wo is shahary khamosha ka khayal
Roz ik nao gulabo se bhari ati hai

Zindgi kese bus ho gai k hum ko tabish
Sabar ata hai na ashfta sari ati hai

Ye ajab sayete rukhsat hai k dar lagta hai

Ye ajab sayete rukhsat hai k dar lagta hai
Shahar ka shahar mujay rakhtay safar lagta hai

Hum ko dil ney nahi halat ne nazdik kiya
Dhoop main dor se her shakhs shajar lagata hai

Jis pay chaltay hoye socha tha k lout aon ga
Ab wo rasta bhi mujay shahary badr lagta hai

Muj se to dil bhi muhabat main nahi kharch hoya
Tum to kehtay thay k is kam main gar lagta hai

Waqat lafzo se banai hoi chadar jesa
Orh leta hun to sub khawab hunar lagta hai

Aik mudat se meri maan nahi soi Tabish
Maine ik bar kaha tha mujay dar lagta hai

Ye bara saal pahlay ki kahani hai

Ye bara saal pahlay ki kahani hai
K jab sarso ki gandal tha badan mera
Hawa muj ko khilati thi
Mujay charkhay ki khokhar se hi gahri nind ati thi
Dahan main sheer madar ki mahak k akhri din thay
Jawani jhil milati thi
Meri ankhon meray hatho meray pero main bosay thay
Meri maan muskurati thi

Ye baran saal pahlay ki kahani hai
Main apnay ap main rahta tha jese phol main khushbu
Mujay ik naam ghar ki trah mitha tha ab bhi hai
Is ki shakrain chub main
Kahani lo barati thi
Ye baran saal pahlay ki kahani hai
Main hatho se gira harfe dua ban kar
Magar boso bhari shafqat tasali dhond lati thi
Na main sardo ki gandal tha
Na muj ko nind ati thi
Ajab c bay sbasi thi
Phir ik din bay gari muj ko meray ghar se nikal i
K jesay ankh se anso nikal ker phir nahi ata
Tujay to sab khabar ho gi
Mujay malk juno miras main day ker koi wapas plat aya
Wahan ki jagti ratain
Ser khama utarti nind ki khatain
Wo daftar main paray pather kleb se phot ti batain
Na main sardo ki gandal tha
Na ab charkhay ki khokhar thi k muj ko nind a jati
Pari muj ko dra jati

Ye bara roz pahalay ki kahani hai

Mujay gari ne station pay la phaynka

To mera shahar hi gum tha

Meri pahchan he gum thi

Meray dukh se bhara tanga gaya jab raylay bazar ki janib

Mera ghar bhi meray bachpan ki sorat

Gard guzran main kahin gum tha

Phir ik shahtot ki chao se pocha apnay baray main

Kisi saya kay nakshay ki sorat khul gaya muj per

Na is main mera bachpan tha

Na meray khana zado ki nishani thi

Phir ik dokan pay lat ki hoi tasveer se pocha

Tujay to sub khabar hogi

Yayan Abbas Tabish naam ka aik shakas rahata tha

Kahan hai wo

Na ba sarso ki gandal

Na wo charkhay ki khokhar

Magar ab band darwazay pay dundlay naam ki takhti

Meray gar ki nishani hai

Ye meray aaj k din ki kahani hai

Ye un dino ka zikar hai

Ye un dino ka zikar hai ik badsha tha
Jis ki nazar main zindgi karna gunah tha
Shoq e marjat ki waha urth rahi tha khak
Kashti jali hoi thi kinara sayah tha
Main us k sath phirta tha kasre qaseem main
Is doti ka ik kabotar gawa tha
Betha tha is pay chand kisi cheel ki taraha
Kitna land shahar main nakhle gunah tha
Totay paro ka taj meri yadgar hai
At kaj kala main bhi kabhi kaj kala tha
Ahlay hunar ko meri raror thi jin dino
Takiya faqeer ka meri ama jaga main tha

Benaam Sa Ye Dard Thehar Kyon Nahi Jata

Benaam Sa Ye Dard Thehar Kyon Nahi Jata,
Jo Beet Gaya Hai, Woh Guzar Kyon Nahi Jata,

Sab Kuch To Hai, Kya Dhundti Rahti Hai Nigahe,
Kya Baat Hai Main Waqt Pe Ghar Kyon Nahi Jata,

Woh Ek Hi Chera To, Nahi Sare Jahan Mein,
Jo Dur Hai Woh Dil Se Utar Kyon Nahi Jata,

Main Apni Hi Uljhi Hui Raho Ka Tamasha,
Jate Hain Jidhar Sab, Main Udhar Kyon Nahi Jata,

Woh Naam Jo Barso Se, Na Chehra Na Badan Hai,
Woh Khawaab Agar Hai To Bikhar Kyo Nahi Jata