Ab ke is taur se aanchal ki hawa de mujh ko

Ab ke is taur se aanchal ki hawa de mujh ko

Jaagte zehen ki meeras bana de mujh ko

Jo mere dard ki awaaz samajh sakta ho

Aye zamaane, koi aisa khuda de mujh ko

Mein ne samjha hai tujhe munsif-e-dauraan aksar

Merii na-karda gunahii ki sazaa de mujh ko

Mein terii rah mein aik sang-sabak wazzan toh houn

Dair kiya lagti hai, tohkar se hatta de mujh ko

Yeh alag baat ke ohjhal houn nazar se warna

Mein tere paas hii rehta houn, sada de mujh ko

Mein dharakta houn tere siine mein dil ki surat

Aye mere dushman-e-jaan, aur dua de mujh ko

Uff! Shab-e-gham ka woh tehra hua lamha faysal

Jab mere weham kii aahat bhi jaga de mujh ko

Kahin be kinaar se ratjagey kahin zernigar se khwab de

Kahin be kinaar se ratjagey kahin zernigar se khwab de

Tera kya usool hai zindagi mujhey kaun iska hisaab de

Jo bichha sakun teray wastey jo saja sakein teray raastay

Meri dastaras mein sitarey rakhh meri muththiyon ko gulaab de

Yeh jo khwahishon ka parind hai issey mosamon se gharz nahin

Yeh urrey ga apni hi mauj mein issey aab de kay sarab de!

Tujhey chhu liya tou bharak uththey meray jsim o jaan mein charagh se

Issi aag mein mujhey raakh ker issi sholagii main shabaab de

Kabhi yuun bhi ho teray ru baru mein nazar mila ker yeh keh sakun

Meri hasraton ko shumar ker meri khwahishon ka hisaab de

Teri ik nigah kay faiz se meri kasht-e-harf chamak uththey

Mera lafz lafz ho kehkashan mujhey aik aesi kitaab de