Sab py ehsan hy saqi tery mekhany ka

Sab py ehsan hy saqi tery mekhany ka
nasha har rind ko hy ek hi paimany ka

lutf kar ,zulm sy kabo mai nahin any ka
log dekhen na tamasha tery dewany ka

mudaa kis py ayan ho mery afsany ka
raz hon main na samdjhny ka na samjhany ka

chasm.e.saqi hy udhar or mera dil hy idhar
aj takrao hy paimany sy paimany ka

apni hi aag mai jalny ka maza hy kuch or
hosla shama sy barrh kar nahin parwany ka . .

Bat be bat utha deta hy ek chair nai
parr gia hy usy chaska mujhy tarpany ka

bat kehta hy kuch aisi k na samjhay koi
ye b ek ghor talb rang hy dewany ka

wo bhar ai naseer or wo uthy badal
bat saghir ki chaly zikar ho may khany ka

Samandar Sary Sharab Hoty Tu Socho Kitny Fasad Hoty

Samandar Sary Sharab Hoty Tu Socho Kitny Fasad Hoty

Gunah Na Hoty Sawab Hoty Tu Socho Kitny Fasad Hoty

Kisi Ke DiL Mein Kya Chupa Hy Bus Khuda Hi Janta Hy

DiL Agar Be-Naqab Hoty Tu Socho Kitny Fasad Hoty

Thi Khamoshi Fitrat Hamari Jo Chand Barson Bhi Nibh Gayi Hy

Agar Hamary Moun Mein Jawab Hoty Tu Socho Kitny Fasad Hoty

Hum Achy Thay Par Sada Logon Ki Nazar Mein Bury Rahy

Kahen Hum Such Men Kharab Hoty Tu Socho Kitny Fasad Hoty

Aye kuch abr kuch sharab aaye, Us ke bad aye jo azab aaye

Aye kuch abr kuch sharab aye

Us ke bad aye jo azab aaye

Bam-e-mina se mahatab utrey

Dast-e-saqi mein aftab aaye

Har rag-e-khuun mein phir chiraghan

Ho samane phir wo benaqab aaye

umr ke har waraq pe dil ko

nazar tere mehr-o-wafa ke bab aaye

kar raha tha ghum-e-jahan ka hisab

aj tum yad be-hisab aaye

na gayi tere gham ki sardari

dil mein youn roz inqalab aaye

jal uthe bazm-e-ghair kei dar-o-baam

jab bhi hum khanaa kharab aaye

is tarah apni khamoshi gungunaye

her simt se jawab aaye

faiz thi rah sar basar manzil

hum jahan pahunche kamayab aaye

Ye mizaj-e-yaar ko kia howa, Unhain mujhse pyar hai aaj kal

Ye mizaj-e-yaar ko kia howa?

Unhain mujhse pyar hai aaj kal,

meri justaju, meri guftagu,

mera intezaar hai aaj kal,

Wo tere khatoot nikaalna,

kabhi dekhna kabhi choomna,

yehi mashghala, yehi silsila,

yehi karobaar hai aaj kal,

Issy qatal ker, ussay qatal ker,

tujhy saat khoon muaaf hain,

teri saltanat, tera dabdaba,

tera iqtedaar hai aaj kal,

Aray kaif kal to tu rind tha,

mere yaar tujh ko ye kia howa?

Barra mazhabi, barra paarsa,

barra deendaar hai aaj kal,

Ye mizaj-e-yaar ko kia howa, Unhain mujhse pyar hai aaj kal

Ye mizaj-e-yaar ko kia howa?

Unhain mujhse pyar hai aaj kal,

meri justaju, meri guftagu,

mera intezaar hai aaj kal,

Wo tere khatoot nikaalna,

kabhi dekhna kabhi choomna,

yehi mashghala, yehi silsila,

yehi karobaar hai aaj kal,

Issy qatal ker, ussay qatal ker,

tujhy saat khoon muaaf hain,

teri saltanat, tera dabdaba,

tera iqtedaar hai aaj kal,

Aray kaif kal to tu rind tha,

mere yaar tujh ko ye kia howa?

Barra mazhabi, barra paarsa,

barra deendaar hai aaj kal,

Mere ghummon ka madaawa Sharaab hai Saaqi

Mere ghummon ka madaawa Sharaab hai Saaqi

Na rok haath k ghum be-hisaab hai Saaqi

Shau'ur zehen ko dasta hai naagino ki tarah

Pila! k hosh mein rehna azaab hai Saaqi

Sakun hayat ka chota sa baab hai piyaare

Sukun k baab mein poori kitaab hai Saaqi

Gham-o-Alam ka, musarrat ka, shaadmani ka

Har ik sawaal ka bus ik jawaab hai, Saaqi

Mubaada kaan dharun naasihon ki baaton par

Behak na jaaon, zamana kharaab hai Saaqi