Koi Misl Mustafa (SAWW) ka kabi tha, na hai na hoga

Koi Misl Mustafa (SAWW) ka kabi tha, na hai na hoga

Kisi aur ka yeh rutba kabi tha, nai hai na ho ga

Ya Rab tere mahboob ka jalwa nazar aaye

Ya Rab tere mahboob ka jalwa nazar aaye
is noor mujassam ka saraapa nazar aaye

Ay kaash kabhi aisa bhi ho kwaab me mere
hoon jis ki gulaami me who aqaa nazar aaye

Ta hashr meri qabar me ho jaaye ujaala
marqad me jo un ka rukhe zebaa nazar aaye

Jis dar ka banaaya he ghadaa mujh ko ilaahi
is dar pe kabhi kaash ye maghta nazar aaye

Roshan rahe aankhen ye meri baade fana bhi
gar waqt nazaa ho shahe waala nazar aaye

Kis aankh ne dekhi he misaal un ki jahan me
sarkaar too konain me yakta nazar aaye

Kaaba ay riaz is ko banaa lo me dil ka
gar naqshe qadam mujh ko nabi nazar aaye

Musalmanon ka shewa hai Muhammad (SAWW) se wafa karna

Musalmanon ka shewa hai Muhammad (SAWW) se wafa karna

Namaz-e-Ishq talwaron ke saey mein ada karna

Humein imaan ka matlab bas itna hi samaj aya

Rasool-e-pak ki hurmat (honour) pe tan man dhan fida karna

Jisse katna nahi ata hai namoos-e-risalat per

badan pe bohj (burden) hai woh sar, utha ke bohj kya karna

Nisab-e-deen ka pehla baab hi ishq-e-risalat hai

maqam-e-Mustafa se hai jahan ko ashana karna

Raheem un sa Kareem un sa hua na taa-abad (eternity) hoga

ke unki shaan-e-rehmat hai buron se bhi bhala karna

Ragon mein khoon ki surat rawan unki muhabbat hai

yeh woh lafaani (indestructible) jazba hai, nahi mumkin fanaa karna

Kaha Quran ne Malik, Mala’ik ki yeh sunnat hai

Nabi ke naam-e-nami ko nazar salle ala karna

Sunehri khulq Ahmad se hui tareekh insaani

sitam seh kar sitamgar ki hidayat ki dua karna

Agar hubb-e-Nabi mein aazmaish ki ghari aaey

Dua Afzaal ki Mawla hamey sabit khara karna

Musalmanon ka shewa hai Muhammad (SAWW) se wafa karna

Namaz-e-Ishq talwaron ke saey mein ada karna

Ki Muhammad Sy wafa tu ny to hum tery hain

Ki Muhammad Sy wafa tu ny to hum tery hain

Yeh jahan cheez hai kya loh o qalam tery hain