Betaab Sy Rehtay Hain Teri Yaad Main Aksar

Betaab Sy Rehtay Hain Teri Yaad Main Aksar
Shab Bhar Nahi Sotey Teri Yaad Main Aksar

Bedard Zamaney Ka Bahana Sa Bana K
Hum Toot K Rotey Hain Teri Yaad Me Aksar

Bhool Jain Tumhain Yeh To Mumkin Hi Nahi
Hum Khud Ko Bhool Jate Hain Teri Yaad Main Aksar

Wo ashk ban k mere chashm-e-tar mein jab aya

Wo ashk ban k mere chashm-e-tar mein jab aya
Sha'or soz-e-muhabbat ka mujh ko tab aya

Adhoray pan ka tamasha hai meray charon taraf
Yahan pe koi nahi jis k hissay mein sab aya

Phir us k bad zaba'n qaid ho gai meri
Bus aik bar tera nam zer-e-lab aya

Na sajda haye aqeedat mein be-khudi utri
Na khak-e-hast ko urrane ka koi dhab aya

Jissay yaqeen ho awaragi k maslik par
Ussay khayal dil-e-dar-badar ka kab aya

Ameer-e-shehar ne ahoo'n pe jab saza rakh di
Ghareeb-e-shehar ko tab yad apna 'rab' aya

Sufaid ho gaye jo sar k bal bhi
Humaray gaoo'n ka beta palat k ab aya

Pocha tha us ne haal bari muddatoun k baad

Pocha tha us ne haal bari muddatoun k baad

kuch par gaya ha aankh men ye keh k ro pary

Hujoom mein tha wo khul kar na ro saka hoga

Hujoom mein tha wo khul kar na ro saka hoga
magar yaqeen hai k shab bhar na so saka hoga

Voh shakhs jis ko samajhney mein mujhko umar lagi
bichar k muj se kisi ka na ho saka hoga

Laraztey haath, shikasta si dor saanson ki
voh khushak phool kahan tak piro saka hoga

Boht ujaarr they pataal uski ankhon k
voh ansuon se na daman bhigo saka hoga

Merey liye voh qabeeley ko chor kar ata
muje yaqeen hai yeh uss sey na ho saka hoga

Pathar bana diya mujhe rone nahin diya

Pathar bana diya mujhe rone nahin diya
daman bhi tere gham main bhigone nahin diya

tanhaiyan tumhara pata pochti rahin
shab bhar tumhari yaad ne sone nahin diya

dil ko tumhari yaad k aansoo aziz the
dunya ka koi gham samone nahin diya

nasir youn us ki yaad chali hath tham ker
mele main is jahan k khoune nahin diya

Ye baarishon k mausam Bas tum hi se hyn

Ye baarishon k mausam
Bas tum hi se hyn wabasta

Muhabbaton main baarish
Bari lazmi si shey hy

Chahey aasman se barsey

Chahey chashm-e-nam se.

Hatheli saamne rakhna, ke sab aansoo gire usme

Hatheli saamne rakhna,
ke sab aansoo gire usme
jo ruk jaayega hounthoun par,
samajh jaana ke wo hum hain

jo chal jaaye hawa thandi,
to aankhen band kar lena
jo jhounkaa tez ho sabse,
samajh jaana ke wo hum hain

jo zyaada yaad aaun main,
to ro lena jee bhar ke
agar hichki koi aaye,
samajh jaana ke wo hum hain

agar tum bhoolna chaaho,
mujhe shaayad bhulaa do tum
magar jab saans lena tum
samajh jaana ke wo hum hain

Apne saaye se bhi ashkoun ko chupa ker rona

Apne saaye se bhi ashkon ko chupa ker rona,
Jab bhi rona ho to chiragon ko bhuja ker rona,

Log parh letey hein chehrey pe likhi sab baatein,
Bara mushkil hai logon se chupa ker rona,

Hath bhi to wo shakhs mila ker na gaya,
Jis ko chaha tha seeney se laga ker rona,

Yaad aati hai to tanhai mein rou deta houn,
Apni ye aadat nahi logon ko dikha ker rona,

Aik aadat nahi aaj tak badli meri,
Uski tasveer ko seeney se laga ker rona

Main roya nhi rulaya gaya houn

Main roya nhi rulaya gaya houn

Bana kr pasand phr thukraya gaya houn

Chor do ab to taqdeer k sahare

Pyar k naam pe jalaya gaya houn,

Bht hi narm-o-nazuk tha mizaj apna,

Jeete ji khaak m milaya gaya houn,

Kbi jo palkon pe naaz uthaate the,

Aaj usi nazar se giraya gaya houn.

Sirf chehre ki udasi se bhar aye ansoo

Sirf chehre ki udasi se bhar aye ansoo

Dil ka alam tu abhi ap ne dekha hi nahi!!!!

boondain giri to aankh main aansu b aa gaye

boondain giri to aankh main aansu b aa gaye

 barish ka uss ki yaad say rishtaa zarroor hy

Apni aankhon k sabhi ashk baha kar sona

Apni aankhon k sabhi ashk baha kar sona
tum meri yaad ka har deep bhjha kar sona

Ek sitara bhi mere khyal ka baqi na rahe
chaandni sab k nishanat mita kar sona

Darr lagta hai neend hi kahin chheen na le
tera har roz mere khwaab mein aa kar sona

Baad mein log gira dein to koi baat nahi
har taraf pyar ki deewar utha kar sona

Subh hote hi tere sheher se jana hai mujhe
aaj ki raat mujhe seene se laga kar sona

Mery aanso meri palkon se churane k liye

Mery aanso meri palkon se churane k liye
bas wohi hai mujhe seeny se lagane k liye

yon to hain chahny waly buht is dunya mai
nahi hai koi magr saath nibhany k liye

din bhar khowab jo tooty thy samete hum ne
phir so gaye naye khowaab sajane k liye

mai na rahon ga to yaad karo gay mujh ko
phir kise dhondo gy haal apna sunany k liye

meri saanson ki rawani to faqat dhoka hai
haan mai zinda hon magr sirf dikhaaway k liye.

Chashm-e- num teri rawani se alag rehta houn

Chashm-e- num teri rawani se alag rehta houn.

Main aag houn pani se alag rehta houn.

Gumshuda shaks houn mat dhound mujhey rahoun main.

Main her ek yaad dehani se alag rehta houn.

Tu merey tazkara-e-ishq main kun aata hey.

Main tu apni kahani se alag rehta houn.

Phool se terq-e-taaluq ko tu zamana guzra

Ab to me, teri har ek nishani se alg rehta houn.

Usko Baray khuloos se Samjhaya tha

Usko

Baray khuloos se

Samjhaya tha

Yeh muhabbat, yeh chahat

Yeh rooh ,yeh jism

Yeh jan

Sab kisi ke amanat hain

Mere pass

Dene ko kuch bhi nahin hai

Magar

Usne khamooshi se

Mere bahte howe ashkoon ko

Apni hatheli per saja liya

Aur yeh

Kehte huowe chal di

Mujhe mere jeene ka

Sahara mil gaya...!

Suna hoga bohat tum ne

Suna hoga bohat tum ne ….

Kahin aankhoun ki rim jhim ka

Kahin palkon ki shabnam ka…

Parha hoga bohat tumne ….

Kahin lehjay ki barish ka

Kahin sagar ke aansoo ka…

Magar tum ne kabhi humdam …

Kahin daikhay? Kahin parkhay?

Kisi tehreer ke aansoo??…!!

Mujhe teri judaai ne …

Yehi mairaaj bakhshi hai…

Ke main jo lafz likhta houn …

Woh saray lafz rotay hain

Ke main jo harf bunta houn …

Woh saray bain krtay hain

Mere sang is judaai main …

Mere alfaz martay hain

Sabhi tareef krtay hain …

Meri tehreer ki lekin..

Kabhi koi nahin sunta …

Mere alfaz ki siski…

Falak bhi jo hila daalay..

Mere lafzon main hain shamil …

Usi taseer ke aansoo…

Kabhi daikho mere humdam…

Meri tehreer ke aansoo..!!!

Adab ki had mei houn' me be-adab nahi hota

Adab ki had mei houn' mei beadab nahi hota

Tumhara tazkira ab roz o shab nahi hota

Kabhi kabhi to chalak perti hain younhi aankhain

Udaas hounay ka koi sabab nahi hota

Kai ameero'n ki mehroumia'n na poch k bas

Ghareeb hounay ka ahsaas ab nahi hota

Mei waldaien ko ye baat kaisay samjhao'n

Muhabbaton mei hasab o nasab nahi hota

Wahan k log baray dilfaraib hotay ha'n

Mera behakna bhi kuch ajab nahi hota

Mei us zameen ka deedaar kerna chahta hu'n

Jaha'n kabhi be khuda ka ghazab nahi hota

Aansuon ka hisaab rakhta hai

Aansuon ka hisaab rakhta hai

Dil mein kitne azaab rakhta hai.

jane kis ki hai Qabar wo jis par

Roz Taazaa Gulaab rakhta hai.

jaag kar kat'ta hai shab aksar

Phir bhi palkon pe khwaab rakhta hai.

Choota jo tera haath to hum toot ke roye

Choota jo tera haath to hum toot ke roye

Tum jo na rahay saath to hum toot ke roye

Chaahat ki taman'na thi aur zakhm diye tum ne

Paayi jo yeh saughaat to hum toot ke roye

Imkaan na tha duur talak tajdeed-e-ta'alluq ka

Dekhay jo yeh haalaat to hum toot ke roye

Anjaan thay hum ab tak dard ki soorat se

Hui jo mulaaqaat to hum toot ke roye

Jeeti thi sadaa hum ne har baazi teray saath

Tanha jo sahi maat to hum toot ke roye

Logo'n ne bahut poochha sabab veraani-e-dil ka

Jab ho na saki baat to hum toot ke roye

Thi dhoop bahut taiz har simt judaayi ki

Barsi jo na barsaat to hum toot ke roye

Zad mein tha khizaao'n ki ab ke dil-e-barbaad

Bichhrray jo shajar-paat to hum toot ke roye

Din bhar to rahay chup keh duniya ki nazar thi

Bheegi jo siaah raat to hum toot ke roye

Samjha tha sadaa tujh ko apna he koi hissa

Tukrro'n mein bati zaat to hum toot ke roye

Hum kartay rahay aaj talak 'uss chaand' ki khwahish

Yaad aayi jo auqaat to hum toot ke roye

Be-His Hein Yahan Log Bhala Soch Ke Karna

Be-His Hein Yahan Log Bhala Soch Ke Karna

Is Dor Mein Logon Se Wafa Soch Ke Karna

Ik Bar Jo Roothe Hum To Mana Tum Na Sako Ge

Hum Jaise Wafadar Ko Khafa Soch Ke Karna

Gul Shakh Se Bichre To Kahin Ka Nahi Rehta

Tum Zaat Meri Khud Se Juda Soch Ke Karna