Narazgi Khamoshiyon Se Ho Jaye Baat Se Pehle Pehle

Narazgi Khamoshiyon Se Ho Jaye Baat Se Pehle Pehle

Andhere Ke Talabgaar Ho Kyun Raat Se Pehle Pehle

Dil Ke Haal Ko Tum Uss Sukoon-E-Dil Se Bhi Chhupaye Rakhna

Khul Ke Ro Lena Magar Mulakat Se Pehle Pehle

Main Kis Shehar-E-Sitam Mein Ab Ruswa Nahi Hoon

Na-Ashna Kis Kadar Tha Main Halaat Se Pehle Pehle

Aye raat sony dy youn tang na kia ker

Aye raat sony dy youn tang na kia ker

Bekaar sawaloun main paband na kia ker

Is ke siwa aur bhi zamany k kaam hain

Tu mere khayalat be_dhang na kia ker

Duniya main aur log bhi basty hain tanha

Tu sirf mere sath hi jang na kia ker

Mazboot hon pr itni bhi nahi houn

Duniya k sabhi gham to mere sang na kia ker

Pareshaan Raat Ho Jeye Jo Apni Daastaan Keh Doun

Pareshaan Raat Ho Jeye Jo Apni Daastaan Keh Doun

Main Chup Reh Ker Shab E Tareek Py Ehsaan Karta Houn

Youn bhi hua raat ko jab log so gaye

Youn bhi hua raat ko jab log so gaye
tanhayi aur main, teri baton mein kho gaye

Aa dekh tujhse log jo rehte they door door
saaye mein teri yaad ke chup chaap so gaye

Hum woh jo sarey sheher ke kerte they faisley
hum log teri chaah mein ruswaa bhi ho gaye

Tum kya gaye ke waqt ka ehsaas mar geya
raaton ko jaagtey rahe aur din ko so gaye

Ab zindagi ki shelf mein dhoonda karain ge log
arzaan huye hum itne ke nayaab ho gaye

Yaro wafaa ki raah main shiddat thi is qadar
tujh se they kitne log jo rastey mein kho gay

Hath Diya Us Ne Mere Hath Me, Me To Wali Ban Gya Ek Raat Me

Hath Diya Us Ne Mere Hath Me
Me To Wali Ban Gya Ek Raat Me

Ishq Krogay To Kamao Gay Nam
Tohmaten Bat'ti Nahe Kherat Me

Ishq Buri Shai Sahe Par Doston
Dakhal Na Do Tum Meri Har Bat Me

Muj P Tawajo Hai Sub Afaat Ki
Koi Kashash To Hai Meri Zaat Me

Rehnuma Tha Mera Ik Saamri
Kho Gya Me Shehr-E Talismat Me

Sham Ki Gul Rung Hawa Ho Chali
Dard Mehekny Laga Jazbat Me

Hath Me Kaghaz Ki Liye Chatriyan
Ghar Sy Na Nikla Karo Barsat Me

Rabt Barhaya Na Qateel Es Liye
Farq Tha Donoun Ky Khayalat Me

Yaadon Mein Ghiri Ye Raat Rehne Do

Yaadon Mein Ghiri Ye Raat Rehne Do
Mjhy Mere Dil Ki Har Baat Kehne Do

Phir Na Karein Gay Tum Se Koi Shikwa Aur Shikayat
Apni Zaat Mein Gum Meri Zaat Rehne Do

Wada Wafa Ka Umar Bhar Nibhaein Gay
Mjhy Zindagi K Safar Mein Apne Saath Rehne Do

Bahot Raat Ho Gai Ab Lotna Hy Mujhy

Bahot Raat Ho Gai Ab Lotna Hy Mujhy

Mery Bistar Py Muntazir Hy Tanhai Meri

Jane us shakhs ko ye kesa hunar aata hai

Jane us shakhs ko ye kesa hunar aata hai

Raat hoti hai woh aankon mein utar aata hai

Phir kisi yaad nay raat bhar hay jagaya mujh ko

Phir kisi yaad nay raat bhar hay jagaya mujh ko
kiya saza di hay muhabbat nay khudaya mujh ko

din ko aaram hai na raat ko hay chain kabhi
janay kis khaak say kudrat nay banaya mujh ko

dukh to yeh hay k zamanay main milay ghair sabhi
jo mila hay woh mila ban kay paraya mujh ko

jab koi bhi na raha kandha mere ronay ko
ghar ki deewaron nay seenay say lagaya mujh ko

ab to umeed-e-wafa tum say nahein hay koi
phir charaghoun ki tarah kis nay jalaya mujh ko

bewafa zindagi nay jab chor diya hay tanha
maot nay piyar say pehloo main bithaya mujh ko

woh diya houn jo muhabbat nay jalaya tha kabhi
gham ki andhi nay subah aur shaam bujhaya mujh ko

kaisay bhoolon ga tere saath guzare lamhay
yaad aata raha zulfoun ka hi saya mujh ko

Raat phaili hai tere surmai aanchal ki trha

Raat phaili hai tere surmai aanchal ki trha
chand nikla hai tujhay dhoondny pagal ki trha

khushk patton ki tarah log uray jatay hain
shehr bhi ab to nazar aanay laga jungle ki tarah

phir khayalon main tere kurb ki khushbu jaagi
phir barasnay lagi anakahin meri badal ki trha

be-wafaoon say wafa kartay guzari zindagi
main barasta raha weeranay pe badal ki trha.

Raat din hijar ki wehshat bhi nahi rakhni

Raat din hijar ki wehshat bhi nahi rakhni hai
kisi se ab itni muhabbat bhi nahi rakhni hai

Jis ka ji chahay humein torr k tukray karday
is qadar narm tabiyaat bhi nahi rakhni hai

Ek do saal k rishton se humein kya haasil
ek do pal ki rafaqat bhi nahi rakhni hai

Jinse bicharen to sambhalny me zamany lag jaen
aise logon se muraw'wat bhi nahi rakhni hai

Kiya ajab haal hai chahat k talabgaron ka
shoq biknay ka hai qeemat bhi nahi rakhni hai

Raat Din Hijar Ki Wehshat Bhi Nahi Rakhni Hai

Raat Din Hijar Ki Wehshat Bhi Nahi Rakhni Hai
Kisi Se Ab Itni Muhabbat Bhi Nahi Rakhni Hai

Jis Ka Ji Chahay Humein Torr K Tukray Karday
Is Qadar Narm Tabiyaat Bhi Nahi Rakhni Hai

Ek Do Saal K Rishton Se Humein Kya Haasil
Ek Do Pal Ki Rafaqat Bhi Nahi Rakhni Hai

Jinse Bicharen To Sambhalny Me Zamany Lag Jaen
Aise Logon Se Muraw'wat Bhi Nahi Rakhni Hai

Kiya Ajab Haal Hai Chahat K Talabgaron Ka
Shoq Biknay Ka Hai Qeemat Bhi Nahi Rakhni Hai

Raat gehri thi dar bhi sakty thy

Raat gehri thi dar bhi sakty thy
Hum jo kehty thy wo kar bhi sakty thy
Tum jo bichray to ye naheen socha
Hum to pagal thy mar bhi sakty thy

Haseen yadoon k kuch mousam usey arsal karnay hain

Haseen yadoon k kuch mousam usey arsal karnay hain

Suna hai shab ko tanhai usey sonay nahin deti……..

Dastaras me nahi halaat tujhy kia maloom

Dastaras me nahi halaat tujhy kia maloom
Ab zaruri hai mulaqaat tujhy kia maloom

Raat k pichle pehar neend shikan tanhai
Kaise karti hai sawalat tujhy kia maloom

Tu bazid hai k sir-e-aam parastish ho teri
Mein hun paband-e-riwayat tujhy kia maloom

Silsilawaar dehakte hain subho hone taq
Ye pareshan se mere jazbaat tujhy kia maloom

Chali aati hai teri yaad ankhon me ansu ban kar
Aksar rote hain sari raat tujhy kia maloom

Tujhe paane ki talab ne tere pyar ki khaatir
Kehte hain pagal mere yaar tujhy kia maloom

Hum yunhi aksar baithe hue tanhai mein
Le lete hain tera naam tujhy kia maloom..

Tanha tanha lagta hai, aadhi raat ka poora chaand

Tanha tanha lagta hai, aadhi raat ka poora chaand

Dil se baatein karta hai, aadhi raat ka poora chaand

Uskay pyaar mein khoye hum, uski khatir roye hum,

Dekh k aksar hansta hai, aadhi raat ka poora chaand

Sach yeh hai k paraya hai, phir bhi dil ko bhaya hai,

Baat meri kab sunta hai, aadhi raat ka poora chaand

Ik din thi tanhai buhat, yaad tumhari aayi buhat,

Bilkul tumsa lagta hai, aadhi raat ka poora chaand".....!!,