Lamha bhar apna hawaon ko banany waly

Lamha bhar apna hawaon ko banany waly

Ab na ayen ge palat ker kabhi janay waly

Kia milay ga tujhay bikhray hovay khwabon k siwa

Rait par chand ki tasveer bananay waly

Sab ne pehna tha baray shauk se kaghaz ka libas

Jis qadar log thay barish main nahanay waly

Mar gaye hum to yeh kutbay pe likha jaye ga

Sou gaye aap zamanay ko jaganay waly

Dar-o-dewar pe hasrat si barasti hai qateel

Janay kis dais gaye piyar nibhanay waly!

Chalo hum maan lete hain, ye duniya jhoot kehti hai

Chalo hum maan lete hain,
ye duniya jhoot kehti hai,
tumhe hum se nahi ulfat,

chalo hum maan lete hain,
tumhari be"qrari ki,
wajha kuch aur hi hogi,.

Nigaahen mujse milte hi
tumhare muskrane ka
sabab kuch aur hi hoga,

jise km"fehm logon ne,
mohabbat naam de daala,

mgr itna bataa do tum,
bicharte waqt jan-e-jaan.

Palat kr dekh k hum ko,
tumhari jheel si aankhen,

chalakti ja rhi thi kyun..?
Hamain tarpaa rahi thi kyun..?

Waqt ki gardish-e-ayam mein beh janay do

Waqt ki gardish-e-ayam mein beh janay do
zindagi jaisay guzarti hay guzar janay do

meray dil nay kabhi phoolon ki tamanna ki thi
aaj kanton hi ko daman say lipat janay do

roshni jag mein hay aur dil mein andhera mere
in andheron say bohat door nikal janay do

doston nay poocha kahan hen us k qasmen waday
main nein kaha chordo usay nai dunya basanay do

woh chaand tha woh chand hay usay chamaknay do falak pe
main khak tha main khak houn mujhay khaak mein mil janay do

Samay samay ki khalish main tera malal rahy

Samay samay ki khalish main tera malal rahy

Judaiyon main bhi youn alam-e-wisal rahy

Ana ki jang main hum jeet to gaye lakin

Phir uss ke bad der tak nidhal rahy

Rah-e-junoon main ye hi zad-e-raah hota hai

Ke justaju barhay deewangi bahaal rahy

Haseen raatain bhi mehkain tumhari yaadon main

Karray dino main bhi pal pal tera khayaal rahy

Tu ek baar zara kashtiyaan jala to sahi

Hai kiya majaal ke ek lamha bhi zawaal rahy

Lamha lamha mera, malaal ka hai

Lamha lamha mera, malaal ka hai

Silsila ye to mahh-o saal ka hai

Saarey lamhy hain hijr key lamhey

Ik lamha terey wasaal ka bhi hai

Jeet leta hai dil tu baaton say

Ye huner bhi tera kamaal ka hai

Aur kuch dair tou theher jao

Waqt dekho abhi zawaal ka hai

Ye jo husn-e-khayaal hai mera

Aks ye bhi terey jamaal ka hai

Mai khan koi shair kehta houn

Ye karishma terey khayaal ka hai

Jaan dey dun mai pal bhar mai

Muntazir bas terey sawaal ka hai

Hama-waqt ranj-o malal kya, jo guzar gaya so guzar gaya

Hama-waqt ranj-o malal kya,

jo guzar gaya so guzar gaya

Use yaad ker ke na dil dukha,

jo guzar gaya so guzar gaya

Na gila kia, na khafa Howay,

youn hi raastay main juda huy

Na tu be-wafa, na main be-wafa,

jo guzar gaya so guzar gaya

Woh ghazal ki aik kitaab tha,

woh gullon main aik gulaab tha

Zara dair ka koi khuwab tha,

jo guzar gaya so guzar gaya

Mujhe pat-jharon ki kahaniyan,

na suna suna ke udaas ker

Tu khizan ka phool hai muskura,

jo guzar gaya so guzar gaya

Woh udas dhoop samait ker,

kahin wadion main uter chukka

Usy ab na de mere dil sada,

jo guzar gaya so guzar gaya

Yeh safar bhi kitna taweel hai,

yahan waqt bhi kitna qalil hai

Kahan laut ker koi aye ga,

jo guzar gaya so guzar gaya

Woh Wafaien thien ke Jafaien thien,

yeah na soch kis ki khatien thien

Wo tera hai us ko galay laga,

jo guzar gaya so guzar gaya

Tujhe aitbaar-o yaqeen nahi,

nahi dunya itni buri nahi

Na malal ker mere saath Aa,

jo guzar gaya so guzar gaya

Tum tarq e ta’aluq ka kisi sy zikr mat karna

Tum tarq e ta’aluq ka kisi sy zikr mat karna

Main logoun sy yeh keh doun ga usy fursat nai milti

Kitaabon mein mere fasaane dhoondte hain

Kitaabon mein mere fasaane dhoondte hain

Naadaan hain guzre zamaane dhoondte hain

Jab woh the.. Talaash-e-zindagi bhi thi

Ab to maut ke thikaane dhoondte hain

Kal khud hi apni mehfil se nikaala tha

Aaj hue se deewaane dhoondte hain.

Musaafir be-khabar hain teri aankhon se

Tere shahar mein maikhaane dhoondte hain

Tujhe kya pataa ae sitam dhaane waale

Hum to rone ke bahaane dhoondte hain.

Unki aankhon ko youn dekho na yaaro

Naye teer hain. Nishaane dhoondte hain

Kyun Tu Acha Lagta Hai , Waqt Mila To Sochain Gy

Kyun Tu Acha Lagta Hai

Waqt Mila To Sochain Gy

Tujh Mein Kya Kya Dekha Hai

Waqt Mila To Sochain Gy

Sara Sheher Shanasai Ka

Dawedar To Hai Lekin

Kon Hamara Apna Hai

Waqt Mila To Sochain Gy

Hum Ne Usko Likha Tha

Kuch Milne Ki Tadbeer Karo

Us Ne Likh Ker Bheja Hai

Waqt Mila To Sochain Gy

Mosam Khushbu Baad-E-Saba

Chand Shafaq Aur Taron Mein

Kon Tumhare Jaisa Hai

Waqt Mila To Sochain Gy

Ya To Apne Dil Ki Mano

Ya Phir Duniya Walon Ki

Mashwara Uska Acha Hai

Waqt Mila To Sochain Gy