Meri Aur Uski Ankhein Kitni Milti Julti Hain

Meri Aur Uski Ankhein
Kitni Milti Julti Hain

Ik Jaisee Rengut Walee Hain
Farq Hai To Bus Itna Sa

Meri Ankhaoun Mein
Rung Hai Uska

Uski Ankhain Khalee Hain

Chooma Hai Apni Aankhoun Ko Rakh Rakh K Aaina

Chooma Hai Apni Aankhoun Ko Rakh Rakh K Aaina

Aaj Phir Hui Hai Khuwaab Main Ziyaarat Janaab Ki

Teri Aaankhoun Pe Ek Likhi Ghazal

Teri Aaankhoun Pe Ek Likhi Ghazal
Kuch Adhoori Si Kuch Mukamal

Likhta Hon Teri Aaankhoun Ko Kanwal
Rashmi Reshmi Naram Makhmal

Behta Hai In Mein Pyar Ka Saghar
Lehron Ki Hai In Mein Hal Chal

Hansti Muskarati Hain Teri Aakhain
Jab Jhapkain To Lagain Lehraya Kisi Ne Aanchal

Shokhi Teri Aaankhoun Ki Dekh K Jeeta Hon
Youn Hi Kare Ye Shararat Rahe Chin'chal

Aai Hon Jaise Khizan Pe Bahar Sajni
Khili Ho Phir Palkon Ki Kali Kali Konpal

Kashif Hai Teri Aaankhoun Se Maqtool
Ab Youn Zulm Na Dha Too Har Pal

Tum Nigahon Sy Kaho Gy To Samjh Lain gy Hum

Tum Nigahon Sy Kaho Gy To Samjh Lain gy Hum 

Lafzon Me Tumhary Wo Tafseel Kahan Hai

Gulaab Aankhain Sharab Aankhain, Yehi To Hain La-Jawab Aankhain

Gulaab Aankhain Sharab Aankhain
Yehi To Hain La-Jawab Aankhain

Inhi Mein Ulfat Inhi Mein Nafrat
Sawab Aankhain Azaab Aankhain

Kabhi Nazar Mein Bala Ki Shokhi
Kabhi Sarapa Hijab Aankhain

Kabhi Chhupati Hain Raaz Dil K
Kabhi Hain Dil Ki Kitab Aankhain

Kisi Nay Dekhi To Jheel Jesi
Kisi Nay Payeen Saraab Aankhain

Wo Aaye To Log Mujh Sy Bolay
Huzoor Aankhain Janab Aankhain

Ajeeb Tha Guftagu Ka Aalam
Sawal Koi Jawab Aankhain

Ye Mast Mast Be-Misal Aankhain
Musawari Ka Kamal Aankhain

Sharab Rab Ne Haraam Kar Di
Magar Keun Rakhi Halaal Aankhain

Hazaron In Pe Qatal Hon Ge
Khuda Ki Bandi Sanbhaal Aankhain

Be-Noor Aankhoun Me Koi Khawab To Do

Be-Noor Aankhoun Me Koi Khawab To Do
Meri Be-Qarar Raton Ka Kuch Hisab To Do

Tum Khafa Ho Mujhse Lekin Phir Bhi Agar Ho Saky
Meray In Sawalon Ka Koi Jawab To Do

Hum Ne Jis Me Likhe Thay Kuch Wady
Agar Mumkin Ho To Mjhy Wo Kitab To Do

Day Nahi Sakty Agar Pyar To Aisa Karo
Gham Do, Zeher Do, Koi Azab To Do

Jis Me Bheeg Jaye Meray Dil Ki Duniya
Aisa Koi In Aankhoun Me Silab To Do

Kabi Tum Hi Kaha Karty Thy K Ap Achy Ho
Ab Bura Hi Sahi Koi Khatab To Do

Wo ashk ban k mere chashm-e-tar mein jab aya

Wo ashk ban k mere chashm-e-tar mein jab aya
Sha'or soz-e-muhabbat ka mujh ko tab aya

Adhoray pan ka tamasha hai meray charon taraf
Yahan pe koi nahi jis k hissay mein sab aya

Phir us k bad zaba'n qaid ho gai meri
Bus aik bar tera nam zer-e-lab aya

Na sajda haye aqeedat mein be-khudi utri
Na khak-e-hast ko urrane ka koi dhab aya

Jissay yaqeen ho awaragi k maslik par
Ussay khayal dil-e-dar-badar ka kab aya

Ameer-e-shehar ne ahoo'n pe jab saza rakh di
Ghareeb-e-shehar ko tab yad apna 'rab' aya

Sufaid ho gaye jo sar k bal bhi
Humaray gaoo'n ka beta palat k ab aya

Unki palkon se howi hai shuro ye daastan-e-muhabbat

Unki palkon se howi hai shuro ye daastan-e-muhabbat

Jin ka jhukna bhi qayamat aur uthna bhi qayamat

Pocha tha us ne haal bari muddatoun k baad

Pocha tha us ne haal bari muddatoun k baad

kuch par gaya ha aankh men ye keh k ro pary

Meri banjar si aankhon se, koi dhoka nahi khao

Meri banjar si aankhon se,
koi dhoka nahi khao,

k tum kub dekh sakte ho...?
Mere dil main chhupe ghaao,

ae mere kum-sukhan saathi...!
Tumhain shayad khabar ho gi...?

Mohabbat main jo behte hain,
wo aansoo khusk hote hain...!!!

Chashm-e-num teri rawani se alag rehta houn

Chashm-e-num teri rawani se alag rehta houn,
aag he aag houn paani se alag rehta houn,

ghum-shuda houn dhound mut mera naam-o-nishan,
main to her yaad-dehani se alag rehta houn,

tu mere tazkira-e-ishq main kyon rehta hai,
main to khud apni kahani se alag rehta houn,

phool se tark-e-talluq ko zamana guzra,
ab to main teri her nishani se alag rehta houn,

aik se hain mujhe sub hazir-o-ghayeb,
main tere alam-e-faani se alag rehta houn...!!!

Apne saaye se bhi ashkoun ko chupa ker rona

Apne saaye se bhi ashkon ko chupa ker rona,
Jab bhi rona ho to chiragon ko bhuja ker rona,

Log parh letey hein chehrey pe likhi sab baatein,
Bara mushkil hai logon se chupa ker rona,

Hath bhi to wo shakhs mila ker na gaya,
Jis ko chaha tha seeney se laga ker rona,

Yaad aati hai to tanhai mein rou deta houn,
Apni ye aadat nahi logon ko dikha ker rona,

Aik aadat nahi aaj tak badli meri,
Uski tasveer ko seeney se laga ker rona

laga kr phool honton say, kaha usny mujhy yaaro

laga kr phool honton say, kaha usny mujhy yaaro
agr koi paas na hota, to tum is ki jaga hoty

boondain giri to aankh main aansu b aa gaye

boondain giri to aankh main aansu b aa gaye

 barish ka uss ki yaad say rishtaa zarroor hy

Kitaabon mein mere fasaane dhoondte hain

Kitaabon mein mere fasaane dhoondte hain

Naadaan hain guzre zamaane dhoondte hain

Jab woh the.. Talaash-e-zindagi bhi thi

Ab to maut ke thikaane dhoondte hain

Kal khud hi apni mehfil se nikaala tha

Aaj hue se deewaane dhoondte hain.

Musaafir be-khabar hain teri aankhon se

Tere shahar mein maikhaane dhoondte hain

Tujhe kya pataa ae sitam dhaane waale

Hum to rone ke bahaane dhoondte hain.

Unki aankhon ko youn dekho na yaaro

Naye teer hain. Nishaane dhoondte hain

Apni aankhon k sabhi ashk baha kar sona

Apni aankhon k sabhi ashk baha kar sona
tum meri yaad ka har deep bhjha kar sona

Ek sitara bhi mere khyal ka baqi na rahe
chaandni sab k nishanat mita kar sona

Darr lagta hai neend hi kahin chheen na le
tera har roz mere khwaab mein aa kar sona

Baad mein log gira dein to koi baat nahi
har taraf pyar ki deewar utha kar sona

Subh hote hi tere sheher se jana hai mujhe
aaj ki raat mujhe seene se laga kar sona

Aankhoun main basa lete hain roothe huy manzar

Aankhoun main basa lete hain roothe huy manzar
jate hove logoun ko pukara nahi karte

Din raat agr un ke guzarte hain pareshan
aaraam se hum apna to guzara nahi karte

Kehte hain ke chup chaap se rehte hain wo aksar
zulfain apni suna hai ky sanwara nahi karte

Aisy wo guzar jaate hain nazdeek se babar 

per hum kabi unhain koi ishaara nahi karte...

Mery aanso meri palkon se churane k liye

Mery aanso meri palkon se churane k liye
bas wohi hai mujhe seeny se lagane k liye

yon to hain chahny waly buht is dunya mai
nahi hai koi magr saath nibhany k liye

din bhar khowab jo tooty thy samete hum ne
phir so gaye naye khowaab sajane k liye

mai na rahon ga to yaad karo gay mujh ko
phir kise dhondo gy haal apna sunany k liye

meri saanson ki rawani to faqat dhoka hai
haan mai zinda hon magr sirf dikhaaway k liye.

Chashm-e- num teri rawani se alag rehta houn

Chashm-e- num teri rawani se alag rehta houn.

Main aag houn pani se alag rehta houn.

Gumshuda shaks houn mat dhound mujhey rahoun main.

Main her ek yaad dehani se alag rehta houn.

Tu merey tazkara-e-ishq main kun aata hey.

Main tu apni kahani se alag rehta houn.

Phool se terq-e-taaluq ko tu zamana guzra

Ab to me, teri har ek nishani se alg rehta houn.

Teri ankhoun si ankhain Aaj ek chehray pe dekhi hain

Teri ankhoun si ankhain

Aaj ek chehray pe dekhi hain

Wohi rangat, banawat

Aur wesi be-rukhi un main

Bichartay waqt jo mene

Teri ankhoun main dekhi thi

Teri ankhoun si ankhoun ne

Mujay ek pal ko dekha tha

Wo pal ek aam sa pal tha

Puranay kitnay mousam,

Kitnay manzar mene dekhay thay

Meri jaan main ye samjha tha

Teri ankhoun si ankhain jab

Meri ankhoun ko dekhain gi

To aik lamhay ko sochain gi

Ke in ankhoun ko pehlay bhi

Kisi chehray pe dekha hai

Magar in jheel ankhoun main

Shanasaayi nhi jagi

Meri ankhain !!

Teri ankhoun si ankhoun k liye

Kab khaas ankhain thin

Teri ankhoun ne shayed ye

Keyi chehron pe dekhi houn

Ke ye to aam aankhain hain

Main aisa soch sakta tha

Magar main kia karon dil ka

Jo ab yeh yaad rakhay ga

Teri ankhoun si ankhain

Main ne ek chehray pe dekhi thin !!

Phir us kabaad kitnay din

Meri ankhoun main sawan tha..