Tumharey rah badalney ki baat kis sey karoun

Tumharey rah badalney ki baat kis sey karoun
main apney khaab bhikharney ki baat kis sey karoun

abhi woh jaan-e-ghazal duor hai nighahoun sey
abhi main jaan sey guzarney ki baat kis sey karoun

abhi toh hijr ki tareekiyan hain dono taraf
abhi main chaand nikalney ki baat kis sey karoun

abhi toh ghammoon sey nidhaal hain sabhi
abi main tery bicharney ki baat kis sey karoun

Teri talab mein yeh beichaain ab bhi rehta hai
main apney dil k machalney ki baat kis sey karoun

is tarah sataya hai pareshan kia hai

Is tarah sataya hai pareshan kia hai

Goya k muhabbat nahi ehsan kia hai

Socha tha k tum dosroun jaisay nahi ho gay

Tum ne bhi wohi kam meri jan kia hai

Mushkil tha bohat meray liye tark-e-ta'aluq

Ye kam bhi tum ne mera asan kia hai

Har rooz sajatay hain tere hijr main gunchay

Ankhoun ko teri yad main guldan kia hai

Asar dil per karay shikwa shikayat ho to aisi ho

Asar dil per karay shikwa shikayat ho to aisi ho.
Galay lag kar koi roye nadamat ho to aisi ho.

Yehi mehsus ho jaisay kai sadiyan guzari hain
faqat ek pal ki furqat mein aziat ho to aisi ho..

Mujhe kanta chubhay aur us ki ankhon se lahu tapke
talluq ho to aisa ho muhabat ho to aisi ho.

Hamary pas aana bhi unhain acha nai lagta

Hamary pas aana bhi unhain acha nai lagta

Hamara muskurana b unhain acha nai lagta

Yahan hum wasl ko bechain thy, khawaboun ki duniya main

Karain kya yeh fasana hi unhain acha nai lagta

Hamari raat kat jay gi youn hi jaagty roty

Hamain sapna dikhana bi unhain acha nai lagta

Hamain lagta hai royen gy akely hi kahein chup ker

Galy mil kar rulana bi unhain acha nai lagta

Na jany hum main aisi baat kya hai chitakhty hain wo

Utha nazrain milana b unhain acha nai lagta

Kisy maloom tha yeh dillagi zalim hain kharoun si

Diloun ky gul khilana b unhain acha nai lagta

Bohat mushtaq thy, gaaty sunain gy aaj hum jin ko

Hamara gungunana bi unhain acha nai lagta

Bohat mayoos hain par hum, gily shikwy karain kaisy

Hamain ghr per bulana b unhain acha nai lagta

Kahein mehshar na aa pohnchy, ky bus hum houn hi mar jaen

Hum hi sy dil lagana hi unhain acha nai lagta

Jo apna ho faqat usi se gila banta hai

Jo apna ho faqat usi se gila banta hai

Gairon se karna kab gila banta hai

Uss se kaho saleekey say be-wafai kary

Meri wafa ka itna to sila banta hai

Kamosh Zabaan Ke Lafzon Mein Kuch Posheeda Si Baatein Hain

Kamosh Zabaan Ke Lafzon Mein

Kuch Posheeda Si Baatein Hain

In Posheeda Si Baaton Mein

Kuch Chahat Ki Barsaatein Hain

In Baaton Ko Ham Muddat Se

Seenay Mein Chhupaye Bethey Hain

Kuch Paaye Bina Kuch Kho Dena

Ye Piyaar Mein Ham Ne Seekha Hai

Sooraj Mein Chand Sitaron Mein

Har Shai Main Tumhi Ko Dekha Hai

Dharkan Mein Bhi Naghma Ban Kar

Saaghar Ki Tarah Tum Behtey Ho

Ye Piyaar Nahi To TumHi Kaho...

Phir Piyaar Kisey Tum Kehtey Ho?

Batao kon si bahar laya hai january....?

بتاؤ ذرا کون سی بہار لے کر آیا ہے جنوری

تُم تو کہتے تھے بہت ویران ہے دسمبر

Btao zara konsi bahar ly ker aya hai January..?

Tum to kehty thy bohat veeran hai December..

Dastaras me nahi halaat tujhy kia maloom

Dastaras me nahi halaat tujhy kia maloom
Ab zaruri hai mulaqaat tujhy kia maloom

Raat k pichle pehar neend shikan tanhai
Kaise karti hai sawalat tujhy kia maloom

Tu bazid hai k sir-e-aam parastish ho teri
Mein hun paband-e-riwayat tujhy kia maloom

Silsilawaar dehakte hain subho hone taq
Ye pareshan se mere jazbaat tujhy kia maloom

Chali aati hai teri yaad ankhon me ansu ban kar
Aksar rote hain sari raat tujhy kia maloom

Tujhe paane ki talab ne tere pyar ki khaatir
Kehte hain pagal mere yaar tujhy kia maloom

Hum yunhi aksar baithe hue tanhai mein
Le lete hain tera naam tujhy kia maloom..

Boht din ho gaye shayd kinara kr lia us ne

Boht din ho gaye shayd kinara kr lia us ne
hamary baad b aakhir guzara kr lia us ne

hmara ziker tu us k labon pe aa ni skta
hmen ehsas hy hm se kinara kr lia us ne

wo basti ghair ki basti wo koocha ghair ka koocha
suna hy ishq b ab tu dobara kr lia us ne

suna hy ghair ki bahon ko wo apna smjhta hy
ye lagta hy mere dukh ko gawara kr lia us ne

bhula kr piyar ki qasmen wo waade tor kr,
kisi ko zindgi se b piyara kr lia us ne.

Shikwa Teri Yaadon Se Is trha Kia Hum Ne

Shikwa Teri Yaadon Se Is trha Kia Hum Ne.
Hanstay Hanstay Dil Ko Rula Diya Hum Ne.

Ek Lamha Diya Tu Ne Jeene Ke Liye,
Aur Us Mein Zindagi Ko Bita Diya Hum Ne.

Ek Safay Pe Likhi Teri Yaad Ki Dastaan
Dusra Hisa Khali Hi Jala Diya Hum Ne.

Kis Baat Ki Maazrat Chahte Hain Wo,
Jis Baat Ko Sunte Hi Bhula Diya Hum Ne.

Wo Kyun Nahi Aate Hamare Paas
Jin Ki Raahon Main Palkon Ko Bicha Diya Hum Ne.

Mujhay insaan mat kehna

Ager kuchh naam daina ho ....

Mujhay insaan mat kehna .....

Judaa chehray, juda bay-shak sabhi ke kaam hotay hai'n ...

Magar insaaniyat ke abb yahaa'n per daam hotay hai'n ....

Mere tum daam mat dena .........

Mujhay ye naam mat daina .......

Agar kuchh naam daina ho ..

Mujhay ehsaas keh daina ............

Magar thehro! ..

Mujhay ehsaas mat kehnaa ..

Mera buss naam reh jaay mujhay aisay nahi'n rehnaa ..

Mujhay ehsaas mat kehnaa ..

Ager kuchh naam daina ho, mujhay saawan he keh daina ..

Magarr thehro....!

Mujhay saawan nahi'n kehnaa ..

Barasta hai magar rut ke badaltay beet jaata hai ..

Mujhay saawan nahi'n kehna ..

Ager kuchh naam daina ho, mujhay aansoo he keh daina ..

Janam laina kisi ki aankh mai'n, rukhsaar per marna ..

Yahi jis ki haqeeqat hai ..

Chalo aansoo he keh daina ..

Magar daikho ........

Kisi ki aankh mai'n mujh ko kabhi aanay nahi'n daina ..

Ke qeemat aansoo'on ki abb adaa tum se nahi'n ho gee ..

Nahi'n tum yu'n nahi'n kehna ..

Mujhay aansoo nahi'n kehnaa ..

Mujhay aankho'n mai'n bastaa ik hasee'n sapnaa he keh daina ..

Ke sapnay aankh mai'n taaro'n ki tarhaa jhilmilaatay hai'n ..

Magar thehro.......! .

Mujhay sapnaa nahi'n kehnaa..

Ke sapnay toot jaatay hai'n ..

Mujhay apnaa nahi'n kehna ..

Ke apnay rooth jaatay hai'n .....!!!!!!

Bicharnay waalay tujhay khabber hai ky

Bicharnay waalay tujhay khabber hai

Ky tairay jaanay se mera jeevan

hazaar khanoon main batt gaya hai!

Tujhay khabber hai bicharnay waalay!

K meri khushiyan hi kho gai hain

main kitna tanha sa ho gaya hoon 

wajood maira tu iss safar main

yeh daikh zakhmoon se att gaya hai

Main sochta hoon! Mager yeh sochain,

kyun aik nuqtay pe jamm gai hain, 

mujhay yeh mehsoos ho raha hai!
K jaisay saansain he thamm gai hain

Mujhay bata day bichrnay waalay!

K khud ko kaisay sambhalna hai 

hijar k rastooon pe chaltay chaltay!
Yeh mairay paaon laho main terr hain 

yaqeen ker lay main thakk gaya hoon

Bicharnay waalay! Tujhay khabber hai

Main kab ka khud se bicharr chukka hoon

Tujhe Zindagi Ka Shaoor Tha, Tera Kia Bana?

Tujhe zindagi ka shaoor tha, tera kia bana?
Tu khamosh kion hai mujhe bata, tera kia bana?

Wo naseeb se teri jang thi, meri bhi thi,
main to kamyab na ho saka, tera kia bana?

Nayi manzilon ki talash thi so bichar gaye,
main bichar k tujh se bhatak gaya, tera kia bana?

Main muqable mein shareek tha faqat is liye,
koi mujh se aa k bhi poochta, tera kia bana?

Mujhe ilm tha k shikast mera naseeb hai,
tu umeed-war tha jeeta ka, tera kia bana?

Tu khamosh tha to mujhe laga k khush hai tu,
tere bolne se pata chala k tera kia bana.

Roshni k teer sy aankhein lahoo karta howa

Roshni k teer sy aankhein lahoo karta howa,
bujh raha hon main shehar ko surkhru karta howa,

Kaash tere aur mere faasiley bhi khatam hon,
sochta rehta hon zakhmon ko rafu karta howa,

Tu kisi ka ho chuka hai kia dua maangon ga main,
baith rehta hon tazabzub mein wuzu karta howa,

Is andheirey mein koi to ho jo mera saath de,
thakk gaya hon main akela guftagu karta howa,

Dhool sokhi pattiyon ka maqbara hoti hoi,
phool khushboo k millan ki aarzoo karta howa,

Sard shamoon mein kisi ka garm kamra aur tu,
main tere waadon ka maatam koo bakoo karta howa,

Ab k shahid woh nadaamat hai k apne aap ko,
mar raha hoon aainey k rubaru karta howa.

Wo jo mehv thy sar-e-aaina, pas-e-aina bhi to dekhty

Wo jo mehv thy sar-e-aaina, pas-e-aina bhi to dekhty,

kabhi roshni me wo teergi ko chupa howa bhi to dekhty,

Sar-e-aab jo raha tashna lab, to ye zabt-e-gham ki hai inteha,
mery haal pe thy jo nuqta cheen mera hosla bhi to dekhty,

Wo utar gaye thy jo paar khud, mujhe beech behar me chor kar,
tha jo un me itna hosla mujhe doobta bhi to dekhty,

Jinhen mujhse hai ye gila k main raha be nayaz-e-khaloos-o-rabt,
mery gird rasm-o-riwaj ka kabhi daira bhi to dekhty,

Wo meri hansi se hain khush gumaan, k nishat-e-zeest hai muddua,
mery ashk-e-gham ka ruka howa kabhi qaafla bhi to dekhty,

Hoon saza k baad bhi mohtaram, to hain hairaton me ye log kio?
Zara zehr-haq ka meri tarha, kabhi zaiqa bhi to dekhty,

Wo bohat hi sehal samajh rahy thy meri tishnagi se mout ko,

mery jism se tooti saans ka, wo rabta bhi to dekhty.

Tujh par koi ilzaam jo dhartay bhi to kaisy

Tujh par koi ilzaam jo dhartay bhi to kaisy

Hum ehd-e-muhabbat se mukartay bhi to kaisy

Wo shakhs to yaklakht hi hat jata tha peechhay
hum toot k qadmon main bikhartay bhi to kaisy

Ilzaam ye aata k tujhay bhool gaye thay

Aye dost! Tujhay yaad jo kartay bhi to kaisy

Kia khaak muqaddar se koi hum ko gila ho

Bigron k muqaddar thay, sanwartay bhi to kaisy

Mehroom hi rehtay jo tere radd- e-amal say

Aye jaan! Tere pyaar main martay bhi to kaisy

Jeevan hi guzara tha thapairon main jo hum nay

Hum ab kisi toofaan se dartay bhi to kaisy

Ek paaki-e-damaan pe sada naaz raha tha

Darya-e-muhabbat main utartay bhi to kaisy

Har roz ki zillat bhi gawara to nahi thi

Us raah se hum roz guzartay bhi to kaisy

Jeenay ki saza daiti hay, jeenay nahi daiti

Dunya! Tera tawaan jo bhartay bhi to kaisy

Bach kar na nikal paaye saraab ishq se un kay

Dooba tha samandar main, ubhartay bhi to kaisy.

Suno! Zindagi apni hans k basar krna

Suno! Zindagi apni hans k basar krna
nafrato'n k raasty py na safar krna

suno! Wafa na ho to mohabbat adhuuri hy
mohabbat k safar main wafa ki fikar krna

suno! Zamana jitna bhi ho humdard tumhara

Zamany ko na shareek-e-safar krna

suno! Mohabbat har kisi ka muqaddar nahi hoti
milay jo mohabbat to us ki qadar krna …

Raat Din Hijar Ki Wehshat Bhi Nahi Rakhni Hai

Raat Din Hijar Ki Wehshat Bhi Nahi Rakhni Hai,
Kisi Se Ab Itni Muhabbat Bhi Nahi Rakhni Hai, .

Jis Ka Ji Chahay Humein Torr K Tukray Karday,
Is Qadar Narm Tabiyaat Bhi Nahi Rakhni Hai, .

Ek Do Saal K Rishton Se Humein Kya Haasil,
Ek Do Pal Ki Rafaqat Bhi Nahi Rakhni Hai, .

Jinse Bicharen To Sambhalny Me Zamany Lag Jaen,
Aise Logon Se Muraw'wat Bhi Nahi Rakhni Hai, .

Kiya Ajab Haal Hai Chahat K Talabgaron Ka,
Shoq Biknay Ka Hai Qeemat Bhi Nahi Rakhni Hai……!!!!

Asar dil per karay shikwa, shikayat ho to aisi ho

Asar dil per karay shikwa, shikayat ho to aisi ho.!
Galay lag kar koi roye, nadamat ho to aisi ho.! …
yehi mehsus ho jaisay kai sadiyan guzari hain
faqat ek pal ki furqat mein, aziat ho to aisi ho..!!
Mujhe kanta chubhay aur us ki ankhon se lahu tapke,
talluq ho to aisa ho, muhabat ho to aisi ho

Ye kiya k sab se bayaan dil ki haalaten karni

Ye kiya k sab se bayaan dil ki haalaten karni
`Faraz` tujh ko na aain Muhabbaten karani

Ye qurb kya hai k tu saamane hai aur hamen
Shumaar abhi se judaai ki sa`aten karani

Koi khudaa ho k patthar jise bhi hum chaahen
Tamaam umr usi ki ibaadaten karani

Sab apane apanee qarine se muntazir us k
Kisi ko shukr kisi ko shikaayaten karani

Hum apne dil se hain majabuur aur logon ko
Zaraa si baat pe barpaa qayaamaten karani

Milen jab un se to mubaham si guftaguu karana
Phir apane aap se so-so vazaahaten karani

Ye log kaise magar dushmani nibhaaten hain
Hamin to raas na aain muhabbaten karani

Kabhi `faraz` naye mausamon men ro denaa
Kabhi talaash puraani raqaabaten karani.