Wo Mohabat Ki Adhuri Kitaab Lagta Hy

Wo Mohabat Ki Adhuri Kitaab Lagta Hy
Utry Na Jis Ka Khumaar Wo Sharaab Lagta Hy

Wo Muj Se Muj Ko B Chheen Leta Hy
Mery Khyalon Ki Saltanat Ka Wo Nawaab Lagta Hy

Wo Sang Chaly To Faasly B Simat Se Jaty Hain
Us K Bagair Safr-E-Sahil B Azaab Lagta Hy

Jo Pooch Bethon Us Se K Chhor To Na Jao Gy
Hans K Kehta Hy Ap Ko Aisa Q Janaab Lagta Hy

Mery Shab-O-Roz To Usi Se Mansoob Hain
Zamaany Ko Chaahy Wo Jitna B Kharaab Lagta Hai

Be-Noor Aankhoun Me Koi Khawab To Do

Be-Noor Aankhoun Me Koi Khawab To Do
Meri Be-Qarar Raton Ka Kuch Hisab To Do

Tum Khafa Ho Mujhse Lekin Phir Bhi Agar Ho Saky
Meray In Sawalon Ka Koi Jawab To Do

Hum Ne Jis Me Likhe Thay Kuch Wady
Agar Mumkin Ho To Mjhy Wo Kitab To Do

Day Nahi Sakty Agar Pyar To Aisa Karo
Gham Do, Zeher Do, Koi Azab To Do

Jis Me Bheeg Jaye Meray Dil Ki Duniya
Aisa Koi In Aankhoun Me Silab To Do

Kabi Tum Hi Kaha Karty Thy K Ap Achy Ho
Ab Bura Hi Sahi Koi Khatab To Do

Bohat choti si baat bhi afsaana bana deti hai

Bohat choti si baat bhi afsaana bana deti hai

tum kitaabon pe mere naam ko likha na karo

Har Ik Sham Meri Udas Guzri Us K Bad

Har Ik Sham Meri Udas Guzri

Us K Bad Us K Hi Khawab Mein Guzri

Mein Ik Phool Tha Muj Ko Rakh k Bhool Gaya

Sari Umar Guzri Meri Us Ki Kitab Mein

Kitaab Si Lagti Hai Yeh Zindagaani

Kitaab Si Lagti Hai Yeh Zindagaani
Jinme Milengi Tumko Dhero Kahani,

Kuch Ankahee Si Baaten,Jo Alfaz Banke Rehgaye,
Aur Kuch Aise Khayalaat Jo Tufan Khadaa Kargaye

Khuch Panno Me Khushi K Rang Bhar Diye Gaye,
Kuch Be-Rang Hogaye Toh Kahi Rang Phike Padh Gaye

Har Kahani Ki Ajab Si Hai Daastan,
Hai Kahi Shuruwat Toh Kahi Khatam Hojate Hai Kaarwaa

Ashko Se Mit Chuke Hai Kuch Nishan,
Toh Kahi Daag Banke Reh Gayi Hai Galtiyan

Mohabbat Bhi Hai Yaha Jawan,
Toh Kahi Dard De Jati Hai Bewafaiyaa

Kuch Panne Aandhiyo Me Gumh Hogaye,
Toh Kuch Haalat Se Bebas Phaad Diye Gaye

Kuch Armaano Ko Liye Intezr Me Takhti Rahi,
Kuch Ro Roke Apno Ko Yaad Karti Rahi

Kai Panne Bagaawat Pe Utar Aayi,
Toh Kuch Maayus Hoke Kuch Na Keh Payi…

Kitaabon mein mere fasaane dhoondte hain

Kitaabon mein mere fasaane dhoondte hain

Naadaan hain guzre zamaane dhoondte hain

Jab woh the.. Talaash-e-zindagi bhi thi

Ab to maut ke thikaane dhoondte hain

Kal khud hi apni mehfil se nikaala tha

Aaj hue se deewaane dhoondte hain.

Musaafir be-khabar hain teri aankhon se

Tere shahar mein maikhaane dhoondte hain

Tujhe kya pataa ae sitam dhaane waale

Hum to rone ke bahaane dhoondte hain.

Unki aankhon ko youn dekho na yaaro

Naye teer hain. Nishaane dhoondte hain

Kitabein jhankti hain band almaari kay sheeshoun se

Kitabein jhankti hain band almaari kay sheeshoun se

Bari hasrat se takti hain

Maheenoo ab mulaaqat nahi hoti

Jo shamein in ki sohbat main kata karti thein,,,,ab aksar

Guzar jaati hian computer kay pardon par

Bari bachain rahti hian kitabein

Zaban par zaiqa aata tha jo in safhe palatne ka

Ab ungli click karne se bas

Ik jhapki guzarti hai

Buhat kuch tah ba tah khulta chala jaata hai parde par

Kitabon se jo zaati rabta tha kat gaya hai

Kabhi seeny pe rakh ke lait jaate the

Kabhi godi main rakhte thay

Kabhi ghutno ko apne rahal ki soorat bana kar

Neem sajday main parha karty thay,choote thay jabhee se

Khuda nay chaha to wo sara ilm to milta rahega baad main bhi

Magar who jo kitabon main mila karte thay sookhay phool

Kitabein mangne,girnay,uthane kay bahane rishty bante thay

Unka kya hoga

Who shayad ab nahi houngay!