Kis Se Izher-E- Madua Kijeye

Kis Se Izher-E- Madua Kijeye
Ap Milte Nahi Kia Kijeye?

Ho Na Paya Yh Faisla Ab Tak
Ap Ki Kijeye Tou Ki Kijeye?

Ap Thay Jis K Chara Gar Wo Jawan
Sakhat Bemar Hai Dua Kijeye

Ek Hi Fun Tou Hum Ne Sikha Hai
Jis Se Mileye Usse Khafa Kijeye

Hai Takza Meri Tabyet Ka
Her Ksi Ko Charigh Pa Kijeye

Zindagi Ka Ajab Mamla Hai
Ek Lamhay Mein Faisla Kijeye

Milte Rahieye Isi Tapak K Sath
Be Wafai Ki Intha Kijeye

Waqt Yaksan Nahi Rehta Kabi Sun Le Aye Mere Hamdam

Waqt Yaksan Nahi Rehta Kabi Sun Le Aye Mere Hamdam

Khud Bhi Ro Party Hein Kabi Aron Ko Rulany Wale

Meray Muqaddar Ko B Ye Gila Raha Mujh Sy

Meray Muqaddar Ko B Ye Gila Raha Mujh Sy

Ky Kisi Aur Ka Hota To Sanwar Gya Hota

Asar dil per karay shikwa shikayat ho to aisi ho

Asar dil per karay shikwa shikayat ho to aisi ho.
Galay lag kar koi roye nadamat ho to aisi ho.

Yehi mehsus ho jaisay kai sadiyan guzari hain
faqat ek pal ki furqat mein aziat ho to aisi ho..

Mujhe kanta chubhay aur us ki ankhon se lahu tapke
talluq ho to aisa ho muhabat ho to aisi ho.

Mere humsafar teri be-rukhi dil e mubtala ki shikst hy

Mere humsafar teri be-rukhi

dil e mubtala ki shikst hy

isy kis trah main kahun fatah

ye meri ana ki shikst hy

tu chala gya mujhy chor kar

main ny phir bhi tujh ko sadaien dien

mere humsafar tu ruka nahi

yeh meri sada ki shikst hy

tujhy la ky dil mein bitha diya

tujhy raz har ek bata diya

tu ny phir bhi koi wafa na ki

yeh meri wafa ki shikst hy

main charagh e kuhna mizaj tha

tujhy bijliyon ki talab rahi

mujhy andhiyon ny bujha diya

yeh meri ziya ki shikst hy

mujhy is tra na satao gy

mujhy zoam tha k na aao gy

mera ghalat wehm o guman hy

ye meri inteha ki shikst hy

mjhy koi tujh sey gila nahi

tu mila tha kab k bichar gya

mery jurm ki hy yahi saza

yeh meri saza ki shikst hy

meri khamoshi ky byan ko

tu smajh ky bhi na smajh saka

mere aansoun ka pyaam hi

dil e be-nawa ki shikst hy

gham e dastan e hyaat key

sab hi tazkarey huye rayegan

Mere charagar tera ye hunar

meri har dua kii shikst hy

Kehty hain usy shehr k sub log maseeha

Kehty hain usy shehr k sub log maseeha,
Wo shakhs mery dard se anjaan sa q hai…?

Be- adal he hoti rhi yahan pyar ke takseem,
Is mulk me pyar ka fukdaan sa q hai…?

Izhaar k bawajood b wo mujhko muyasar nhi,
To seenay me us se pyar ka toofan sa q hai…?

Jo hum se koi ta'alluk he nhi rakhna chahta,
Us shakhs k lout aanay ka imkaan sa q hai…?

Mitti ka bana hai to ghul q nhi jata

Pathar ka agar hai to phir insaan sa q hai…?

Hamary pas aana bhi unhain acha nai lagta

Hamary pas aana bhi unhain acha nai lagta

Hamara muskurana b unhain acha nai lagta

Yahan hum wasl ko bechain thy, khawaboun ki duniya main

Karain kya yeh fasana hi unhain acha nai lagta

Hamari raat kat jay gi youn hi jaagty roty

Hamain sapna dikhana bi unhain acha nai lagta

Hamain lagta hai royen gy akely hi kahein chup ker

Galy mil kar rulana bi unhain acha nai lagta

Na jany hum main aisi baat kya hai chitakhty hain wo

Utha nazrain milana b unhain acha nai lagta

Kisy maloom tha yeh dillagi zalim hain kharoun si

Diloun ky gul khilana b unhain acha nai lagta

Bohat mushtaq thy, gaaty sunain gy aaj hum jin ko

Hamara gungunana bi unhain acha nai lagta

Bohat mayoos hain par hum, gily shikwy karain kaisy

Hamain ghr per bulana b unhain acha nai lagta

Kahein mehshar na aa pohnchy, ky bus hum houn hi mar jaen

Hum hi sy dil lagana hi unhain acha nai lagta

Chara'gar Ay Dil-e-Betaab Kahan Aaty Hain

Chara'gar Ay Dil-e-Betaab Kahan Aaty Hain..

Hum Ko Khush Rehny Ky Adaab Kahan Aaty Hain..

Main To Yak'musht Usy Sonp Don Sab Kuch Lekin..

Ek Muthi Main Mery Khawab Kahan Aaty Hain..

Mudaton Baad Usy Dekh Ky Dil Bhar Aaya..

Warna Sehra'on Main Seelab Kahan Aaty Hain..

Mere Be-Dard Nigahon Main Agar Bholay Sy..

Neend Aye Bhe To Ab Khawab Kahan Aaty Hain..

Tanha Rehta Hon Main Din Raat Bhari Dunya Main..

Din Buray Hon To Phir Ehbaab Kahan Aaty Hain

Jo apna ho faqat usi se gila banta hai

Jo apna ho faqat usi se gila banta hai

Gairon se karna kab gila banta hai

Uss se kaho saleekey say be-wafai kary

Meri wafa ka itna to sila banta hai

Boht din ho gaye shayd kinara kr lia us ne

Boht din ho gaye shayd kinara kr lia us ne
hamary baad b aakhir guzara kr lia us ne

hmara ziker tu us k labon pe aa ni skta
hmen ehsas hy hm se kinara kr lia us ne

wo basti ghair ki basti wo koocha ghair ka koocha
suna hy ishq b ab tu dobara kr lia us ne

suna hy ghair ki bahon ko wo apna smjhta hy
ye lagta hy mere dukh ko gawara kr lia us ne

bhula kr piyar ki qasmen wo waade tor kr,
kisi ko zindgi se b piyara kr lia us ne.

Shikwa Teri Yaadon Se Is trha Kia Hum Ne

Shikwa Teri Yaadon Se Is trha Kia Hum Ne.
Hanstay Hanstay Dil Ko Rula Diya Hum Ne.

Ek Lamha Diya Tu Ne Jeene Ke Liye,
Aur Us Mein Zindagi Ko Bita Diya Hum Ne.

Ek Safay Pe Likhi Teri Yaad Ki Dastaan
Dusra Hisa Khali Hi Jala Diya Hum Ne.

Kis Baat Ki Maazrat Chahte Hain Wo,
Jis Baat Ko Sunte Hi Bhula Diya Hum Ne.

Wo Kyun Nahi Aate Hamare Paas
Jin Ki Raahon Main Palkon Ko Bicha Diya Hum Ne.

Kaho ab kya kahoun tumse

Kaho ab kya kahoun tumse,

Batao kya likhun tumko,

Mujhe tamheed do koi,

Mujhe ummid do koi,

Naya ek lafz ho koi,

Jahan se baat chal nikle,

Teri mushkil ka hal nikle,

Bataun lehja kaisa ho,

Ke tumse baat karni hai,

Mujhe thoda ujala do,

Basar ek raat karni hai,

Tum apni roshan aankhoun ko,

Agar kholo to main likhun,

Tumhare lab se aayega,

Sukhan mein ek kateela pan,

Tumhari aankh de degi,

Takhatum ko nasheela pan,

Kaho ab kya irada hai,

Mujhe izhaar karna hai,

Ke betaabi zyada hai,

Kaho..........

Ab kya kahoun tumse...

Mujhay insaan mat kehna

Ager kuchh naam daina ho ....

Mujhay insaan mat kehna .....

Judaa chehray, juda bay-shak sabhi ke kaam hotay hai'n ...

Magar insaaniyat ke abb yahaa'n per daam hotay hai'n ....

Mere tum daam mat dena .........

Mujhay ye naam mat daina .......

Agar kuchh naam daina ho ..

Mujhay ehsaas keh daina ............

Magar thehro! ..

Mujhay ehsaas mat kehnaa ..

Mera buss naam reh jaay mujhay aisay nahi'n rehnaa ..

Mujhay ehsaas mat kehnaa ..

Ager kuchh naam daina ho, mujhay saawan he keh daina ..

Magarr thehro....!

Mujhay saawan nahi'n kehnaa ..

Barasta hai magar rut ke badaltay beet jaata hai ..

Mujhay saawan nahi'n kehna ..

Ager kuchh naam daina ho, mujhay aansoo he keh daina ..

Janam laina kisi ki aankh mai'n, rukhsaar per marna ..

Yahi jis ki haqeeqat hai ..

Chalo aansoo he keh daina ..

Magar daikho ........

Kisi ki aankh mai'n mujh ko kabhi aanay nahi'n daina ..

Ke qeemat aansoo'on ki abb adaa tum se nahi'n ho gee ..

Nahi'n tum yu'n nahi'n kehna ..

Mujhay aansoo nahi'n kehnaa ..

Mujhay aankho'n mai'n bastaa ik hasee'n sapnaa he keh daina ..

Ke sapnay aankh mai'n taaro'n ki tarhaa jhilmilaatay hai'n ..

Magar thehro.......! .

Mujhay sapnaa nahi'n kehnaa..

Ke sapnay toot jaatay hai'n ..

Mujhay apnaa nahi'n kehna ..

Ke apnay rooth jaatay hai'n .....!!!!!!

Bicharnay waalay tujhay khabber hai ky

Bicharnay waalay tujhay khabber hai

Ky tairay jaanay se mera jeevan

hazaar khanoon main batt gaya hai!

Tujhay khabber hai bicharnay waalay!

K meri khushiyan hi kho gai hain

main kitna tanha sa ho gaya hoon 

wajood maira tu iss safar main

yeh daikh zakhmoon se att gaya hai

Main sochta hoon! Mager yeh sochain,

kyun aik nuqtay pe jamm gai hain, 

mujhay yeh mehsoos ho raha hai!
K jaisay saansain he thamm gai hain

Mujhay bata day bichrnay waalay!

K khud ko kaisay sambhalna hai 

hijar k rastooon pe chaltay chaltay!
Yeh mairay paaon laho main terr hain 

yaqeen ker lay main thakk gaya hoon

Bicharnay waalay! Tujhay khabber hai

Main kab ka khud se bicharr chukka hoon

Roshni k teer sy aankhein lahoo karta howa

Roshni k teer sy aankhein lahoo karta howa,
bujh raha hon main shehar ko surkhru karta howa,

Kaash tere aur mere faasiley bhi khatam hon,
sochta rehta hon zakhmon ko rafu karta howa,

Tu kisi ka ho chuka hai kia dua maangon ga main,
baith rehta hon tazabzub mein wuzu karta howa,

Is andheirey mein koi to ho jo mera saath de,
thakk gaya hon main akela guftagu karta howa,

Dhool sokhi pattiyon ka maqbara hoti hoi,
phool khushboo k millan ki aarzoo karta howa,

Sard shamoon mein kisi ka garm kamra aur tu,
main tere waadon ka maatam koo bakoo karta howa,

Ab k shahid woh nadaamat hai k apne aap ko,
mar raha hoon aainey k rubaru karta howa.

Wo jo mehv thy sar-e-aaina, pas-e-aina bhi to dekhty

Wo jo mehv thy sar-e-aaina, pas-e-aina bhi to dekhty,

kabhi roshni me wo teergi ko chupa howa bhi to dekhty,

Sar-e-aab jo raha tashna lab, to ye zabt-e-gham ki hai inteha,
mery haal pe thy jo nuqta cheen mera hosla bhi to dekhty,

Wo utar gaye thy jo paar khud, mujhe beech behar me chor kar,
tha jo un me itna hosla mujhe doobta bhi to dekhty,

Jinhen mujhse hai ye gila k main raha be nayaz-e-khaloos-o-rabt,
mery gird rasm-o-riwaj ka kabhi daira bhi to dekhty,

Wo meri hansi se hain khush gumaan, k nishat-e-zeest hai muddua,
mery ashk-e-gham ka ruka howa kabhi qaafla bhi to dekhty,

Hoon saza k baad bhi mohtaram, to hain hairaton me ye log kio?
Zara zehr-haq ka meri tarha, kabhi zaiqa bhi to dekhty,

Wo bohat hi sehal samajh rahy thy meri tishnagi se mout ko,

mery jism se tooti saans ka, wo rabta bhi to dekhty.

Mujhe khud se hain shikaytain, mujhe zindagi se gilaa nahi

Mujhe khud se hain shikaytain,

mujhe zindagi se gilaa nahi

Ke jo chaha mene woh paa liya,

nahin aesa kuch jo mila nahi

Mere aas paas hai roshni,

mere raaston mein chirag hain,

Yeh tere karam ka hai mojzaa,

meri justuju ka silaa nahi

Teri aankh se jo haseen ho,

woh nigaah jag main bani nahi

Tere rukh ko jis se misaal doon,

koi aesa phool khilaa nahi

Yeh jo teri zulf ka hai haashia,

yeh jo tera chehra hai khush’numa,

Koi raat aesi siyaah nahin,

kisi subaah mein yeh jala nahi

Yeh jo mehr-o-maa ki hain haaltain!

Yeh jo aayino ki hain hairtain,

Hain azzal se sab yeh isi tarah,

koi apni jagha se hillaa nahi

Tujh par koi ilzaam jo dhartay bhi to kaisy

Tujh par koi ilzaam jo dhartay bhi to kaisy

Hum ehd-e-muhabbat se mukartay bhi to kaisy

Wo shakhs to yaklakht hi hat jata tha peechhay
hum toot k qadmon main bikhartay bhi to kaisy

Ilzaam ye aata k tujhay bhool gaye thay

Aye dost! Tujhay yaad jo kartay bhi to kaisy

Kia khaak muqaddar se koi hum ko gila ho

Bigron k muqaddar thay, sanwartay bhi to kaisy

Mehroom hi rehtay jo tere radd- e-amal say

Aye jaan! Tere pyaar main martay bhi to kaisy

Jeevan hi guzara tha thapairon main jo hum nay

Hum ab kisi toofaan se dartay bhi to kaisy

Ek paaki-e-damaan pe sada naaz raha tha

Darya-e-muhabbat main utartay bhi to kaisy

Har roz ki zillat bhi gawara to nahi thi

Us raah se hum roz guzartay bhi to kaisy

Jeenay ki saza daiti hay, jeenay nahi daiti

Dunya! Tera tawaan jo bhartay bhi to kaisy

Bach kar na nikal paaye saraab ishq se un kay

Dooba tha samandar main, ubhartay bhi to kaisy.

Muhabbat Humse Na Hogi

Muhabbat Humse Na Hogi.

Suna hy Is Muhabbat me Bohat Nuksan hota hai
Mehakta Jhoomta Jevan Ghamo k Naam hota hai
Suna hai Chain Kho kr Wo Sehr se Sham Rota hai
Muhabbat Jo b krta hai Bohat Badnaam hota hai

Muhabbat Humse na hogi

Suna hai Is Mohabbat me Kahin bi Dil nahi lgta
Bina Uski Nigahon main Koi Mosam nahi Jachta
Khafa Jis se Mohabbat ho Wo Jevan Bhr nahi Hansta
Bohat Anmol hai Jo Dil Ujjar kar Phir nahi basta. 

Muhabbat Humse na ho gi…!

Asar dil per karay shikwa, shikayat ho to aisi ho

Asar dil per karay shikwa, shikayat ho to aisi ho.!
Galay lag kar koi roye, nadamat ho to aisi ho.! …
yehi mehsus ho jaisay kai sadiyan guzari hain
faqat ek pal ki furqat mein, aziat ho to aisi ho..!!
Mujhe kanta chubhay aur us ki ankhon se lahu tapke,
talluq ho to aisa ho, muhabat ho to aisi ho