Tere Amal Sy Hai Tera Preshan Hona

Tere Amal Sy Hai Tera Preshan Hona
Warna Mushkil Nahi, Mushkil Aasan Hona

Donoun Aalam Py Hakomat Ho Teri Aey Muslim
Tu Samjh Jaye Agar Apna Musalman Hona

Mohabbat karne walo me ye jhagra dal deti

Mohabbat karne walo me ye jhagra dal deti hai
siyasat dosti ki jar me matta dal deti hai

tawayaf ki tarah apne galat kammo ke chehre par
huqumat mandir-o-masjid ka parda dal deti hai

haqumat muh-bharai ke hunar se khub waqif hai
ye har kutte ke aage shahi tukra dal deti hai

kahan ki hijrate kaisa safar kaisa juda hona
kisi ki chah paro me dupatta dal deti hia

ye chiriya bhi meri beti se kitni milti julti hai
kahi bhi shakhe-gul dekhe to jhula dal deti hai

bhatakti hai hawas din-rat sone ki dukano me
garibi kan chidwati hai tinka dal deti hai

Me dehshat-gar tha marne pe "beta" bol sakta hai

Me dehshat-gar tha marne pe "beta" bol sakta hai
Hukumat ke iishare pe to "murda" bol sakta hai

Yahan par nafrato ne kasie kaise gul khilaye hain
Luti asmat bata degi  "duppta" bol sakta hai

Hukumat ki tawajjo chahti hai ye jali basti
Aadalat puchna chahe to "malba" bol sakta hai

Kai chehre abhi tak "muh-zabani' yad hain isko
Kahien tum puch mat lena ye "gunga" bol sakta hai

Bahut si kursiyan is mulk me "laashoun" pe rakhi hai
Ye wo sach hai jise jhut se jhutha bol sakta hai

Siyasat ki kasoti par parakheye mat "wafadari"
Kisi din intakaman mera "gussa" bol sakta hai

Pani ka jall bunta hai dariya to phir buny

Pani ka jall bunta hai dariya to phir buny
tairaq janta hai hathle se katna

Rahta hai din me rat ke hone ka intazar
phir raat ko dawaoo ki goli se kaatna

Mere lab-o-qalam ke ajz ko koi aisa hunar-e-kamal dy

Mere lab-o-qalam ke ajz ko koi aisa hunar-e-kamal dy

Jo meri khwahishon ke jhund ko takmeel ke darje ma dhal dy

Meri khilwaton ke ay razdaan, meri jalwaton ke rafiq sun

Kisi se kuch bhi gharaz nahi, mujhe apna aks-e-khayaal dy

Kabhi youn bhi ho ke wo choom kar mere in laboun ko payar se

Meri rooh ke zakhm samait le, mujhe jaan'kani se nikaal dy

Teri chahaton ke dais ma mere roz-o-shab tamam houn

Tere bicharne ka koi dar na ho mujhe aise maah-o-saal dy

Meri be'basi ko zubaan mile, meri kam'nigaahi ujaal dy

Ke jahaan se kuch na talab rahe, mujhe aisa izn-e-sawal dy

Mujhe um'r bhar naseeb ho, meri zindagi pe moheet ho

Jo kabhi bhi khatm na ho saky, mujhe aisa koi wisaal dy

thaka dia he usey aandhiyon ne mil jul ky

Thaka dia he usey aandhiyon ne mil jul ky

Wo aik parindaa jo oonchi uraan rakhta tha

Apnay markaz sy agr door nikal jao gay

Apnay markaz sy agr door nikal jao gay,
khawab ho jao gay afsanon me dhal jao gay,

Day rhay hn jo tumhe aaj rafaqt ka faraib,
in ki tareekh parho gay to dehal jao gay,

Apni matti pe he chalnay ka saleeqa seekho,
sang-e-murmur pe chalo gay to phisal jao gay,

Khawab gahoon sy nikaltay howay dartay q ho,
dhoop itni to nhn hy k pighal jao gay,

Taiz qadmoon se chalo aur tasadum sy bacho
bheer me sust chalo gay to kuchal jao gay

Main khud zameen mera zarf aasmaan ka hai

Main khud zameen mera zarf aasmaan ka hai 

K toot kar bhi mera hosla chataan ka hai

Bura na maan mere hurf-o-lafz zehr sahi 

Main kya karun k yehi zaaiqa zabaan ka hai

Meri sanjeedgi mashhoor hai zamaane mein

Meri khaamoshi bhi pehlu mere bayaan ka hai

Har ek ghar pe musallat hai dil ki veeraani 

Tamaam sheher pe saaya mere makaan ka hai

Bichar k us se main bas is liye nahi bikhra

Wo keh gaya tha yehi waqt imtehaan ka hai