Abar Baras K Khul Gaye Jee K Ghubaar Dhul Gaye

Abar Baras K Khul Gaye Jee K Ghubaar Dhul Gaye
Aankh Mein Roo-Numa Huwey Shehar Jo Zair-E-Aab Thy

Dard Ki Rehguzar Mein Chalte To Kis Khumaar Mein
Chashm K Be-Nigaah Thi Hoont K Be-Khitaab Thy

Shoq Say Jis Qadar Chaho Phir Rulao Humain

Shoq Say Jis Qadar Chaho Phir Rulao Humain
Magar Bachpan Ki Tarah Ek Bar Galy Lagao Humain

Jab Nendon Main Tujh Say Guftgon Karny Lagen
Tujhy Qasam Hai Phir Aisay Main Na Jagao Humain

Mein Apni Hayat Ka Har Lamha Tujhy De Sakta Hu
Kabhi To Mang Kar Dekho Youn Na Aazmao Humain

Tumhary Chahny Waly Bhoht Hounge Lekin
Hamari Tarah Ka B Koi Dekhao Humain
Khaloospayaromohbbat Or Sada Mezaj
Kon C Ada Pasand Hai Tumhain Ye Btao Humain

Khud Gharz Ham Nahain Ay Dost Teri Qasam
Jab Tera Jee Chahy Aawaz Do Bolao Humain

Muhabbat ho bhi jaye to kabi izhar mat karna

Muhabbat ho bhi jaye to kabi izhar mat karna

yeh dunia sachay jazboun ki bari toheen krti hai

Ajab pagal si larki hai, mjhy her roz kehti hai

Ajab pagal si larki hai
mjhy her roz kehti hai
batao kuch neya likha
mai jab bhi us se kehta houn
keh han aik nazm likhi hai
magar unwaan dena hai
boht bechain hoti hai
wo kehti hai
sunao
mai isey aik acha sa unwaan deti hon
wo meri nazm sunti hai
aur uski bolti ankhein
kisi missrey
kisi tashbeeh par yun muskurati hain
mujhay lafzoon se kiranein phootti mehsoos hoti hain

wo meri nazm ko acha sa ik unwaan deti hai
aur iss k aakhri missrey k neechay
ik adaa-e-be niyazi se
wo apna naam likhti hai

main kehta hon
suno
ye nazm meri hay
to phir tum ne kyon apnay naam se mansoob kar li hay
meri yeh baat sun kar uss ki aankhein muskurati hain

wo kehti hai
bara saada sa rishta hay
keh jaisy tum mere ho

 iss tarah yeh nazm meri hay
ajab pagal si larki hai

Intizamaat Naye Siray Se Sambhaly Jaen

Intizamaat Naye Siray Se Sambhaly Jaen
Jitne Kam-Zarf Hyn Mehfil Se Nikale Jaen

Mera Ghar Aag Ki Lapait Me Chupa Hy Lekin
Maza Jb Hy K Tere Aangan Me Ujaly Jayen

Jam Salamat Hy To Peety He Rahain Gy Lekin
Pehly Maykhane K Halat Sambhale Jaen

Khali Waqton Me Kahin Baith K Ro Len Yaro
Fursatien Hyn To Samandar Hi Khangaale Jaen

Khaak Me Yun Na Mila Zabt Ki Toheen Na Kr
Ye Wo Aansu Hyn Jo Duniya Ko Baha Le Jaen

Ham Bi Payasy Hyn Ye Ehsas To Ho Saqi Ko
Khali Shishe Hi Hawaon Me Uchaale Jaen

Aao Shehr Me Naye Dost Banayen Sajan
Aastino Me Chalo Saanp Hi Paaly Jaen

Tum Nigahon Sy Kaho Gy To Samjh Lain gy Hum

Tum Nigahon Sy Kaho Gy To Samjh Lain gy Hum 

Lafzon Me Tumhary Wo Tafseel Kahan Hai

Lehja Aisa Ky Mutmaa'in Kar Day

Lehja Aisa Ky Mutmaa'in Kar Day

Kitna Sacha Hai Mery Yaar Ka Jhot

Mujhy Bekhudi Ki Hy Arzoo Mujhy Qurbatoun Ka Khumaar Dy

Mujhy Bekhudi Ki Hy Arzoo
Mujhy Qurbatoun Ka Khumaar Dy

Mery Ang Ang Me Yun Utar
K Mujhi Me Khud Ko Utar Dy

Tu Jo Rug Rug Me Bas Gya
To Hai Duriyon Ka Jawaz Kiya

Meri Zindagi Mery Pas Aa
Meri Bekhudi Ko Qarar Dy

Hai Nazar Nazar Teri Justju
Tu Meri Wafa Ki Hy Aabru

Kabhi Tu B Ho Mery Rubaro
Mujhy Jaan Se Hi Guzaar Dy

Mujhy Is Tarha Sy Tu Yaad Aa
Teri Yaad Ko B Gumaan Na Ho

Tu Mery Khayal Me Yun Samaa
Mera Harf Harf Nikhaar Dy

Mujh Ko Maloom Nahi Chahat K Taqazy Lekin

Mujh Ko Maloom Nahi Chahat K Taqazy Lekin
Hum Ne Teri Baaton K Siwa Hr Baat Bhula Rakhi Hy

Safar Mushkil Hy Maloom Hy Lekin
 Tu Humara Hy To Hr Fikar Mita Rakhi Hy

Tu Bhula De Tu Bhula De Lekin Hum Ne
Teri Khushbu Bhi Taveez Bana Rakhi Hy

Tu Alag Ho To Har Baar Yun Lagta Hy
Zindagi Mout K Pehlu Mai Bitha Rakhi Hy

Teri Baatain Teri Moorat Teri Soorat Tera Chehra
Tujh Mai Khaliq Ne Hr Cheez Juda Rakhi Hy

Gulaab Aankhain Sharab Aankhain, Yehi To Hain La-Jawab Aankhain

Gulaab Aankhain Sharab Aankhain
Yehi To Hain La-Jawab Aankhain

Inhi Mein Ulfat Inhi Mein Nafrat
Sawab Aankhain Azaab Aankhain

Kabhi Nazar Mein Bala Ki Shokhi
Kabhi Sarapa Hijab Aankhain

Kabhi Chhupati Hain Raaz Dil K
Kabhi Hain Dil Ki Kitab Aankhain

Kisi Nay Dekhi To Jheel Jesi
Kisi Nay Payeen Saraab Aankhain

Wo Aaye To Log Mujh Sy Bolay
Huzoor Aankhain Janab Aankhain

Ajeeb Tha Guftagu Ka Aalam
Sawal Koi Jawab Aankhain

Ye Mast Mast Be-Misal Aankhain
Musawari Ka Kamal Aankhain

Sharab Rab Ne Haraam Kar Di
Magar Keun Rakhi Halaal Aankhain

Hazaron In Pe Qatal Hon Ge
Khuda Ki Bandi Sanbhaal Aankhain

Sath Tumhara Dena Hai Or Sath Tumhara Pana Hai

Sath Tumhara Dena Hai
Or Sath Tumhara Pana Hai

Pathron K Is Shehar Mai
Ik Kanch Ka Ghar Banana Hai

Aasmano Pe Jo Rishta Bana
Usy Duniya Mai Nibhana Hai

Ik Nam Tumhara Likhna Hai
Ik Naam Hamain Ban Jana Hai

Kuch Batain Tum Se Karni Hain
Kuch Dil Ka Haal Sunana Hai

Chupky Se Jo Mangi Hain
Un Duaon Main Tum Ko Pana Hy

Tum Rooth K Mujh Se Mat Jao
Mujhy Sath Tumhara Pana Hai

Tum Lot K Wapis A Jao
Mjhy Zindagi Tumhe Banana Hai

Gulaab Jism Ka Youn Hi Nahi Khila Hoga

Gulaab Jism Ka Youn Hi Nahi Khila Hoga
Hawa Ne Pehly Tujhe Phir Mjhy Chouna Hoga

Shareer Kiran Mujhko Choom Leti Hy
Zaroor Is Men Ishara Tera Chupa Hoga

Meri Pasand Pe Tujhko Bhi Rashk Aayega
K Aaine Se Jahan Tera Samna Hoga

Ye Aur Baat Hy K Main Khud Na Paas Aa Paya
Haan Mera Saya To Har Shab Tujhe Mila Hoga

Ye Soch Soch K Kat'ti Nahi Hy Raat Meri
K Tujhko Sote Huay Chaand Dekhta Hoga

Main Tere Sath Rahonga Wafa Ki Raahon Me
Ye Ehad Hai Na Mere Dil Se Tu Juda Hoga

Suna hai k gaaon me phir kisi ki shadi hai

Suna hai k gaaon me phir kisi ki shadi hai
aur har shadi me wo sanwar k aati hai

beech sahelyo me wo ek chand ka tukra
youn lage jese falaq se pari aai hai

kaash K mein dekh sakta us k wo jalwe
jab wo baalon me apne unglyaan phirati hai

na'jane kesi hogi wo sanwarne k baad
Jo larki bin sanwre ek pari kehlati hai

suna hai k ek ajnabi hi nai deewana us ka
wo us raat jugnuon ko bhi deewana banati hai

Jeevan Raah Pe Chalty Chalty Murr Kr Dekha Barson Baad

Jeevan Raah Pe Chalty Chalty Murr Kr Dekha Barson Baad
Kya Khoya Kya Paya Hum Ne Aaj Ye Jana Barson Baad

Aik Zara C Dair Me Barson Ki Khamoshi Toot Gai
Kisne Samay Ki Jheel Me Pehla Pathar Phainka Barson Baad

Bethy Bethy Aj Kisi Ki Yaad Ne Youn Angrai Li
Ashkon Ka Be-Mosam Badal Toot K Barsa Barson Baad

Muddat Baad Mily Hum Dono To Aisa Mehsos Hua
Waqt Ne Ik Tasveer K Do Tukron Ko Jora Barson Baad

Raat Mre Kamry Me Koi Saya Sa Lehraya Tha
Neend Urri Aaankhoun Ne Shayed Sapna Dekha Barson Baad

Tabeeron Ki Khoj Me Akhir Apna Aap Ganwa Bethy
Sagar Apna Har Ik Sapna Jhoota Nikla Barson Baad

Ye udasyoun ka mosam meri zindagi na ly ly

Ye udasyoun ka mosam meri zindagi na ly ly

Mera dam nikal na jaye usay yaad kerty kerty

Chahton k silsily or be-khudi zara zara

Chahton k silsily or be-khudi zara zara
wo mukhtsir si khawishain or aashqi zara zara

ye doriyan nazdeekiyan sab kehny sun'ny ki bat h
hain lafzon me bhi faasly or bandagi zara zara

kis ada se maang loun k mil jaye bus tu mujhy
ek dua muntzir-e-lab or aajzi zara zara

kabi hijr me bhi qarar h kabi dharknoun se bhi uljhanain
na hosh hai na be' khudi or deewangi zara zara

ay dil kaanch k ye khwab hain palken khuli to kuch ni
bari hasraten hain jeeny ki or zindagi zara zara

Roz-O-Shab Youn Na Aziyyat Mein Guzaaray Hoty

Roz-O-Shab Youn Na Aziyyat Mein Guzaaray Hoty
Chain Aa Jaataa Agar Khail K Haaray Hoty

Khud Say Fursat Hi Muysar Nahi Aayi Warna
Hum Kisi Aur K Hoty To Tumharay Hoty

Aik Bhi Moj Agar Meri Himayat Karti
Main Nay Us Paar Kayi Log Utaaray Hoty

Lag Gayi Aur Kahin Umar Ki Poonji Warna
Zindagi Hum Teri Dehleez Pay Haaray Hoty

Kharch Ho Jaatay Isi Aik Muhabbat Mein
Dil Agr Aur Bhi Seenay Mein Hamaray Hoty

Be-Noor Aankhoun Me Koi Khawab To Do

Be-Noor Aankhoun Me Koi Khawab To Do
Meri Be-Qarar Raton Ka Kuch Hisab To Do

Tum Khafa Ho Mujhse Lekin Phir Bhi Agar Ho Saky
Meray In Sawalon Ka Koi Jawab To Do

Hum Ne Jis Me Likhe Thay Kuch Wady
Agar Mumkin Ho To Mjhy Wo Kitab To Do

Day Nahi Sakty Agar Pyar To Aisa Karo
Gham Do, Zeher Do, Koi Azab To Do

Jis Me Bheeg Jaye Meray Dil Ki Duniya
Aisa Koi In Aankhoun Me Silab To Do

Kabi Tum Hi Kaha Karty Thy K Ap Achy Ho
Ab Bura Hi Sahi Koi Khatab To Do

Talism-e ishq tha sab us k sath hony tak

Talism-e ishq tha sab us k sath hony tak
khayal-e-dard na aya nijaat hony tak

mila tha hijar k rastay me subah ki manind
bichar gya tha musafir say raat hony tak

ajeeb rang badalti hay us ki nagri b
her ik nehr ko dekha faraat hony tak

wo iss kamaal se khelta tha ishq ki bazi
me apni fatah samajta tha maat hony tak

me usko bhoolna chahoun to kya karoun
wo mujh me zinda hai khud meri zaat hony tak

Ujray Huey Hain Harappa K Aasaar Ki Tarah

Ujray Huey Hain Harappa K Aasaar Ki Tarah
Zinda Hain Log Waqt Ki Raftaar Ki Tarah

Kia Rehna Aesy Sheher Main Majburion K Sath
Biktay Hain Log Shaam K Akhbar Ki Tarah

Bachon Ka Rizq Moat K Juwey Main Rakh Dia
Circus Main Koodtay Huey Fankar Ki Tarah

Qatil Brajmaan Hai Munsif K Saiey Main
Maqtool Phir Raha Hai Azadaar Ki Tarah

Waday Zaruraton Ki Nazar Kar Diye Gayey
Rishtay Hain Saray Rait Ki Diwaar Ki Tarah

Mohsin Merey Wajood Ko Sangsaar Kartey Waqt
Shamil Tha Sara Sheher Ik Tehwaar Ki Trah

Mila kar khaak main mujh ko urha do khaak bhi meri

Mila kar khaak main mujh ko urha do khaak bhi meri

Mujhy manzoor hai sab kuch wisaal-e-yaar ki khatir

Us waqt rag-e-jaan pe bari chot lagti hy

Us waqt rag-e-jaan pe bari chot lagti hy

jab tujh se bichar kar tery hum-naam milty hain

Zindagi youn hui basar tanha, Qafla sath tha aur safar tanha

Zindagi youn hui basar tanha

Qafla sath tha aur safar tanha

Apne saye se chonk jaate hain

Umar guzri hai is qadar tanha

Raat bhar bolte hen sannaate

Raat kaate koi kidhar tanha

Doobne waale paar ja utry

Naqsh-e paa apne chhor kar tanha

Din guzarta nahin he logon main

Raat hoti nahin basar tanha

Kabhi hum b baa'is-e tauqeer hua krte thy

Kabhi hum b baa'is-e tauqeer hua krte thy
uske shahr ki jageer hua krty thy

itna acha to na tha naam hamara mager
phir b uske hath py tehreer hua krte thy

aray hamain to gustaakh bana dia is zamane ny
warna aise chup thy k tasveer hua krte thy

Na jany shakhs tha kaisa… meri ankhoun pe mrta tha,

Na jany shakhs tha kaisa…

meri ankhoun pe mrta tha,
meri batoun pe mrta tha

na jany shakhs tha kesa?
Mujhy khony se drta tha,

wo jb b bat krta tha

yehi hr bar kehta tha,
suno
Agr me bhool jaon to..?

agar me rooth jaun to?
kbhi wapis na aon to..?
bhula pao ge sb kch kia…???

Youn hi hansty rho gy kia..?
Youn hi sajty rho gy kia..?
Yehi baten thi bas uski
yhi yadain hain bas uski..
muje malom hy bas itna!
Mujy wo piyar krta tha
muje khony se drta tha...

Qasoor mera tha to qasoor un ka bhi tha

Qasoor mera tha to qasoor un ka bhi tha

nazar hum ne jo uthai thi to wo hi jhuka letey

Sikka bana k jab bhi uchaala gaya mujhy

Sikka bana k jab bhi uchaala gaya mujhy

main sab ki haar jeet mein taqseem ho gaya

Uss ne mehboob jo badla to ta'ajjub kaisa?

Uss ne mehboob jo badla to ta'ajjub kaisa? 

Log kaafir se musalman bhi to ho jatay hain

Tum se milne ki justju, tumhein paane ka khuwaab,

Tum se milne ki justju, tumhein paane ka khuwaab, 

zindagi in do sapnoo se shuru,in do armaanon pe khatam

Laboun ki sarsarahat ke, bad choor honay tak,

Laboun ki sarsarahat ke, baad choor honay tak,
main tujhko is tarah chahun, k meri saans ruk jaye,

khataon par khata'ain hon, na ho kuch baat kehne ko,
main tujh mein yun sama jaon, k meri saans ruk jaye,

na himat tujh mein ho baqi, na himat mujh mein ho baqi,
magar itna qarreb aon, k meri saans ruk jaye,

tere honton ko py rakhon, main apnay hont kuch aise,
ya teri pyaas bujh jaye, ya meri saans ruk jaye