Karray Hain Hijar K Lamhaat, Uss Se Keh Dena

Karray Hain Hijar K Lamhaat, Us Se Keh Dena.
Bikhar Rahi Hay Meri Zaat, Us Se Keh Dena.

Hawa-E-Mousam- E-Gham Uss K Shehar Jaye To.
Mery Dukhoon Ki Koi Baat, Us Se Keh Dena.

Yeh Wehshatein,Yeh Udasi,Yeh Ratjagoo K Azaab.
Ussi Ki Hain Yeh Inayaat, Us Se Keh Dena.

Bohat Taweel Bohat Karab Naak Hoti Hain.
Judayion Ki Har Ik Raat, Us Se Keh Dena.

Wo Dil Ki Bazi Jahan Mujh Se Jeetna Chahe.
Main Maan Loon Ga Wahin Maat, Us Se Keh Dena.

Wafa Ki Raah Me Main Aaj Bhi Akaila Hoon.
Koi Nahi Hai Mere Saath, Us Se Keh Dena.