Itna Tau Hota Nahin Khandar Sham K Bad Jitna Veeran Hua Jata Hai Ghar Shham K Bad

Itna Tau Hota Nahin Khandar Sham K Bad
Jitna Veeran Hua Jata Hai Ghar Shham K Bad

Toot Parrti Hai Nayee Roz Khabar Sham K Bad
Waqt Hota Hai Azaboun Mein Basar Sham K Bad

Meri Ankhoun Se Barastay Huay Dariyaoun Mein
Doob Jati Hai Teri Rah Guzar Sham K Bad

Tere Bakhshay Huay Andoh Ki Ghabrahat Ka
Aur Hi Rang Se Hota Hai Asar Sham K Bad

Tum Nahin Hotay Tau Phir Dard Zamanay Bhar K
An Miltay Hain Mujhe Khak Ba Sar Sham K Bad

Mil K Ik Shehr Bhigo Daitay Hain Tanhai Ka
Aik Mainaik Mera Deeda-E-Tar Sham K Bad

Ghhair Laitay Hain Mujhe Rastay Teri Yadoun K
Jab Bhi Karta Hooun Tere Bad Safar Sham K Bad

Din Bhi Veeran Hi Guzarta Hai Humara Lekin
Aur Barrh Jata Hai Veerani Ka Darr Sham K Bad

Hijr K Saye Tau Har Roz Hi A Jatay Hain
Kiya Kabhi Ho Ga Tumhara Bhi Guzar Sham K Bad

Aik Bas Tum Hi Nahin Rat K Ghhayel Farhat
Khhak Urrti Hai Humari Bhi Idhar Sham K Bad