Maine Poocha Kaise Ho Badley Ho Ya Waise Ho

Maine Poocha Kaise Ho
Badley Ho Ya Waise Ho

Roop Wohi Andaz Wohi
Ya Phir Is Mein Koi Kami

Hijr Ka Kuch Ehsas To Hoga
Koi Tumharey Pas To Hoga

Ham Bichre Ye Majboori Thi
Kab Manzoor Mujhey Doori Thi

Sath Hamara Kab Chhuta Hai
Rooh Ka Rishta Kab Toota Hai

Ankh Se Jo Ansu Behtey Hain
Tum Ko Khabar Hai Kya Kehtey Hain

Maine Kaha Awaz Tumhari
Aj Bhi Hai Humraz Hamari

Phool Wafa Ke Khil Jayenge
Ek Din Phir Ham Mil Jayenge