Jab Aglay Sal Yahi Waqat Araha Ho Ga

Jab Aglay Sal Yahi Waqat Araha Ho Ga
Ye Koun Janta Hay Koun Kis Jagha Hoga

Tu Meray Samnay Betha Hay Aur Mey Soochta Hun
Kay Atay Lumhooun May Jena Bhi Ik Saza Hoga

Yahi Damaktay Huay Pal Dhowan Dhowan Houn
Yahi Chamakta Hua Din Bujha Bujha Hoga

Lahoo Rulayay Ga Woh Dhoop Chaoun Ka Manzar
Nazar Uthaoun Ga Jis Simt Jhutputa Hoga

Yahi Jagha Hai Hum Aj Jahan Mil Kay Bethay Hein
Isi Jagha Pay Khuda Janay Kal Ko Kya Hoga

Bichernay Walay Tujhay Dekh Dekh Soochta Hooun
Tu Phir Milay Ga To Kitna Badal Gaya Ho Ga