Hijr Ki Shab Nala-E-Dil Woh Sada Dene Lage

Hijr Ki Shab Nala-E-Dil Woh Sada Dene Lage
Sunne Wale Rat Kko Katne Ki Dua Dene Lage

Kis Nazr Se Ap Ne Dekha Dil-E-Majrooh Ko
Zakhum Ko Kuch Bhar Chale The Phr Hawa Dene Lage

Juz Zameen Koo-E-Janan Kuch Nahin Paish-E-Nigah
Jjis Ka Darwaza Nazr Aya Sada Dene Lage

Baghban Ne Ag Di Jab Gulshan Ko Mere
Jin Pe Takya Tha Wohi Pattey Hawa Dene Lage

Muthiyoun Mein Khak Le Kar Dost Aye Waqt-E-Dafn
Zindagi Bhar Ki Muhabbat Ka Sila Dene Lage

Ayina Ho Jaye Mera Ishq Un Ke Husn Ka
Kya Maza Ho Dard Agr Khud Hi Dawa Dene Lage