Kya Aise Kam-Sukhan Se Koi Guftagoo Kary

Kya Aise Kam-Sukhan Se Koi Guftagoo Kary
Jo Mustaqil Sukoot Se Dil Ko Lahoo Kary

Ab Tu Hamen Bhi Tark-E- Maraasim Ka Dukh Nahin
Par Dil Ye Chaahtaa Hai Ke Aaghaaz Tu Kary

Tere Baghair Bhi To Ghaneemat Hai Zindagi
Khud Ko Ganwa K Kon Teri Justujo Kary

Ab To Ye Aarzo Hai K Wo Zakhm Khaaiye
Taa-Zindagi Ye Dil Na Koi Aarzo Kary

Tujh Ko Bhula K Dil Hai Wo Sharminda-E-Nazar
Ab Koi Hadsa Hi Tere Ru-Ba- Ro Kary

Chup Chaap Apni Aag Mein Jalte Raho Faraz
Duniyaa To Gharz-E-Haal Se Be- Aabro Kary