Usey kehn, shab-e-tanhai, Wo jo bare sakoon se so raha hai

Usey kehna
shab-e-tanhai
Wo jo bare sakoon se so raha hai
usey kehna k
raat ka pichla pehar hai
aur hum abhi jagte hain
humari aankhon se neend koson door hai
humare lab abhi tak us k naghme gungunate hain
humara zehan ab bhi us ki batein sochta hai to
kabhi hum huns se dete hain
kabhi jee bhar k rote hain
shab-e-tanhai ki yakh basta hawao
usey kehna
hum ab bhi bawazo ho ker
us ka naam lete hain
usey kehna
Ya apna naqsh dho jaye
ya phir se apna ho jaye