Kahaa'n Aa K Rukay Thay Raastey? Kahaan Mod Tha? Osay Bhool Jaa

Kahaa'n Aa K Rukay Thay Raastey? Kahaan Mod Tha? Osay Bhool Jaa
Wo Jo Mil Gaya Osay Yaad Rakhh, Jo Nahi Mila Osay Bhool Jaa

Wo Tere Naseeb Ki Baarishain Kisi Aur Chhat Pe Baras Gaen
Dil-E-BeKhabar Meri Baat Sunn, Osay Bhool Jaa, Osay Bhool Jaa

Mein Tou Gumm Tha Tere He Dhheyaan Mein, Teri Aas, Tere Gumaan Mein
Saba Keh Gai Mere Kaan Mein, Mere Sath Aa, Osay Bhool Jaa

Kisi Aankhh Mein Nahi Ashk-E-Ghum, Tere Baad Kuch Bhi Nahi Hai Kam
Tujhay Zindagi Ne Bhhula Diya, Tu Bhi Muskura, Osay Bhool Jaa

Kahe'n Chaak-E-Jaa'n Ka Raffu Nahi, Kisi Aasteen Pe Lahu Nahi
Keh Shaheed-E-Raah-E-Malaal Ka! Nhe Khoo'nBahaa, Osay Bhool Jaa

Kyun Atta Hua Hai Ghubaar Mein? Ghum-E-Zindagi K Fashaar Mein
Wo Jo Darj Tha Tere Bakht Mein, So Wo Ho Gaya! Osay Bhool Jaa

Ye Jo Raat Din Ka Hai Khhail Sa, Esay Dykhh, Es Pr Yaqeen Na Kr
Nhe Aks Koi Bhe Mustaqil, Sar-E-Aainaa'h, Osay Bhool Jaa

Jab BasSaatt-E-Jaa'n Hi Ulat Gaya, Wo Jo Raastey Se Palat Gaya
Osay Rookney Se Kya HasSool? Osay Mt Bula, Osay Bhool Jaa

Tou Ye Kis Liye? Shab-E-Hijer K Osay Hr Sitaray Mein Dykhhna
Wo Falak Keh Jis Pe Milay Thy Hum! Koi Aur Tha, Osay Bhool Jaa

Tujhay Chand Bn K Mila Tha Jo, Tere Saahilo'n Pe Khhila Tha Jo
Wo Tha Aik Darya WasSaal Ka, So Utar Gaya! Osay Bhool Jaa