Ghamza Nahin Hota K Ishaara Nahin Hota

Ghamza Nahin Hota K Ishaara Nahin Hota
Aankh Un Se Jo Milti Hai To Kiya Kiya Nahin Hota

Jalwa Na Ho Ma'ni Ka To Soorat Ka Asar Kiya
Bulbul Gul-E-Tasveer Ka Shaida Nahin Hota

Allah Bachaay Marz-E-Ishq Se Dil Ko
Sunty Hein Ke Ye Aariza Achha Nahin Hota

Tashbeeh Tery Chehry Ko Kiya Doon Gul-E-Tar Se
Hota Hai Shagufta Magar Itna Nahin Hota

Main Naz'a Mein Hoon Aaen To Ihsaan Hai Un Ka
Lekin Ye Samajh Lein K Tamaasha Nahin Hota

Hum Aah Bhi Kartay Hein To Ho Jaatay Hein Bad-Naam
Wo Qatal Bhi Kartay Hein To Charcha Nahin Hota